CY專心寫歌不拍拖　Kiki恨同KLAU情侶檔接廣告

早前Kiki與KLAU以情侶檔為節目合唱。

ViuTV選秀真人騷《全民造星III》出身的CY（陳澤言）、Kiki（張凱娸）與男友KLAU（劉瑞祈）今日出席「城市動向挑戰賽2021」。

Kiki恨與KLAU情侶檔接拍廣告。

早前Kiki與KLAU以情侶檔為ViuTV節目《囝囝女女730》合唱，KLAU坦言跟女友增加不少交流，發現大家在選曲上的品味不同，他說：「Kiki的要求很高，就連唱歌抖氣位等要夾齊，雖則只有兩日時間練歌，但出來效果幾好。」

CY強調與Carmen是朋友關係。

問到可想情侶檔接拍廣告？Kiki說：「乜都想試吓！如果有時裝的合作都幾有趣。」

CY獲粉絲到場支持。

至於跟Carmen（關嘉敏）傳緋聞的CY，坦言不會羨慕Kiki與KLAU情侶檔出活動，並強調與Carmen是朋友關係，他說：「暫時不會考慮拍拖，想專心工作方面，現時正嘗試寫歌。」

Carmen

（左起）CY、Kiki與男友KLAU今日出席「城市動向挑戰賽2021」。

AmyLo、蔡浩然Scott和張凱娸為迎戰劇中大量動作場面，開拍前接受武術特訓

由寰亞電視節目製作出品，梁家樹和陳德修聯合監製的警匪電視劇集《叠影狙擊》，將於11月6日晚上九時半在無綫翡翠台開播。盧慧敏（Amy）、蔡浩然（Scott）和張凱娸（娸娸）首次演出電視劇集，並要應付大量動作場面，開拍前按劇組要求，他們接受一連串特別訓練。身為動作片初哥，要睇得又打得，必須下「苦」功，學習做打星之前，一切從拉筋開始。

必須下「苦」功

一切從拉筋開始

一切從拉筋開始

舞蹈員出身的Scott，本應是筋骨最柔軟的一個，但眼見他被導師按在地上進行「深度拉筋」，Scott不斷露出痛苦表情，可想而知Amy與娸娸情況更加慘不忍睹。Scott說：「我跳開舞都覺得好辛苦，原來打架俾我想像中複雜好多，所以我完全明白身邊兩位嘅感受，我上完堂返屋企要休息一整日，再用熱水浴腳，條腰勁痛，但我知道娸娸上完堂之後，就連落樓梯都有困難。」

舞蹈員出身的Scott，本應是筋骨最柔軟的一個

在旁的娸娸面露尷尬笑容說：「因為我平時係冇做開運動，上完堂之後，我係坐低、起身、行樓梯，都會發出痛苦嘅聲音，但其實係好事，學多樣嘢，做演員需要好好裝備自己。」

超落力！

超落力！

超落力！

至於Amy，劇中將首度嘗試飾演奸角，一雙長腿更是她的最強武器，Amy解釋：「劇入面我經常要用隻腳去同人打，主要集中訓練雙腿，但原來踢腿用嘅肌肉，同我平日做運動運用嘅肌肉係唔同，真係要練，有排搞，其中一位師傅好好，不斷鼓勵我話：『冇嘢難到你㗎！你要做第二個楊紫瓊㗎！』，於是我就會忍住痛同自己講：『冇嘢難到我㗎！冇嘢難到我㗎！』」Scott也相當認同：「師傅唔會話『乜你咁渣㗎！』，佢哋會不斷同你講：『你做到㗎嘛！你唔係要做武打巨星咩？你要做甄子丹！』雖然聽落好搞笑，但對我哋嚟講，係一個好正面嘅鼓勵。」

Amy，劇中將首度嘗試飾演奸角，一雙長腿更是她的最強武器

盧慧敏（Amy）、蔡浩然（Scott）和張凱娸（娸娸）首次演出電視劇集，並要應付大量動作場面