撇甩黐身保錡 34E張沛樂約四眼男行街

唔知保錡睇到會否嬲到爆晒粗呢？

擁34E驕人身材的張沛樂（沙律）是不少巴打心目中的女神，前年跟拍拖3年多的林耀聲分手後，至今年1月才與ViuTV節目《全民造星》出身的ERROR成員吳保錡爆出戀情，雖然當時正印踢爆男方一腳踏兩船，但二人懶理繼續高調放閃，沙律更指停工「自雪」的男友好黐身。

今年1月，沙律與ERROR成員吳保錡爆出戀情。

ERROR成員保錡（右）捲入桃色醜聞加上爆粗鬧網友事件，早前他宣佈停工力保組合形象。

被男友拖累致形象受損的沙律，好在最近都慢慢接番Job，除了預告今年多拍劇及出寫真集外，早前又為港產片《#PTGF出租女友》開工。日前見到拍完戲收工的沙律撇甩「多了時間陪佢」、「好鍾意黐住佢」的保錡，相約一名年約30到尾的西裝四眼男去銅鑼灣行街。

被男友拖累致形象受損的沙律，早前終透露今年會多拍劇及出寫真集。

沙律早前跟鄧月平（中）、郭奕芯（右）為港產片《#PTGF出租女友》進行開鏡儀式。

抗疫肥的沙律於凌晨狂做運動成功減去17磅，回復火辣身材！

沙律上圍驕人又唔孤寒，所以深得巴打們歡心。

當日下午4時許，身穿黑Tee、黑外套及牛仔褲的沙律孭住個大背囊，企喺人來人往的百德新街行人路中央。未知是否正在搵路呢？她篤完一輪手機再抬頭，一邊𢱑頭一邊四圍張望，同行的四眼男即手指指、講兩句，但沙律就好Cool冇乜反應。

兩人開頭企到離行離罅，四眼男一度嘗試挨近沙律，可惜見現場人來人往，沙律都好避忌。

沙律與四眼男站在人來人往的百德新街行人路中央搵路，毫無頭緒的她一臉徬徨。

之後，兩人走入另一條街，初時仍保持距離，見到街上冇乜人即放下戒心，四眼男接過女方的手機，便哄到極埋同沙律一齊研究Mon中嘅嘢，而名花有主的沙律冇縮之餘，仲毫不避忌地主動出擊，將上身再向前傾，與四眼男頭貼頭都不特止，一雙「35E導彈」更順勢壓落對方手臂，直到途人經過，沙律先挨番後避嫌。及後，兩人好心急咁步行去皇室堡，原來兩人只係借廁所；如廁後，沙律跟四眼男再行去希慎廣場並搭電梯上樓。

與保錡蜜運中的沙律與四眼男頭貼頭睇手機。

其間沙律更將上圍壓落對方手臂

哄埋一輪，見有途人經過眼𥄫𥄫，沙律即提高警覺企番好。

二人心急步行至皇室堡借廁所，隨後便去希慎廣場搭Lift上寫字樓，其實希慎冇廁所咩?

Doniven與女友沙律共築愛巢，新居遷入不足一個月。

逢周四晚10點J2（82 台）播映的清談節目《不正常愛情研究所》，上周已圓滿播映完畢。緊接3集將播出「番外篇」，各主持跳出錄影廠，到訪各主持的家居，揭開他們「behind the scene」私人一面。

Karen與Jojo探訪Doniven的新居。

Doniven放梳化的位置，是全屋最好風水的天醫位。

今晚（4日）一集《不正常愛情研究所》「番外篇」，黃紫恩（Jojo）與胡敏芝（Karen）將走訪陳國麟（Doniven）屋企，揭開他不為人知的一面。Doniven跟女友張沛樂（沙律）拍拖接近半年，去年聖誕各自在網上貼相放閃，宣示主權。而Doniven亦與沙律共築愛巢，新居遷入不足一個月。Doniven跟過風水師蘇民峰學習風水命理，一入屋他就跟二位女仕介紹，各人就座的地方為全屋風水最好的地方，他自豪表示︰「呢個係天醫位，有財又有助姻緣，平時同女朋友就坐係度睇電視。」講到得意忘形的Doniven，開始大數女朋友「罪狀」，他自爆先是砌傢俬嘈交，最後要自己完成︰「好多嘢唔識，又覺得自己好叻，掛衫勾又整到鬼死咁高，話靚喎。而家每次攞衫都要伸直隻手。」

Doniven在大廳放了媽咪及妹妹的照片。

Doniven在家居擺了風水陣。

衣帽間大部份都是Doniven的衣服。

到參觀主人房時，Jojo非常欣賞睡床猛讚好舒服，更即場試彈力，感覺非常滿意。二位女仕又發覺Doniven將與女友的自畫像放在床尾，他解釋︰「放床尾可以成日見到大家囉，是但一個出咗去，只要瞓喺張床，就可以見到大家。」聽落都非常甜蜜。之後Jojo又發現一張寄給沙律的名信片，並讀出內容「老老，我在日本努力工作中，但每分每秒都好掛住你呀！等我返嚟呀！Love you」到底「老老」隱含甚麼密碼？密切留意今晚節目播映，不容錯過。

Jojo及Karen大讚睡床好彈力夠舒服。

床尾放了Doniven跟沙律的畫像，原來有特別意思。

Doniven在日本寄給女友的名信片暗含密碼。

Doniven接受訪問時表示母親已見過女友沙律，表示非常滿意，他說︰「媽咪話okay呀，幾好。」被問到是否已到談婚論嫁階段時，Doniven表示言之尚早︰「當然未啦，暫時相處下了解吓先。」

去年Doniven跟沙律在網上放閃。

又到泰國旅行。