熱烈訂購中：https://bit.ly/2PXHSum
⚠️以下內容會令觀眾流口水或發口痕，敬請留意！⚠️
點擊看圖輯
熱烈訂購中：https://bit.ly/2PXHSum
珍藏卡(新產品)
$2 「篤魚蛋」嘅經驗相信人人都有。粒粒爽口彈牙，原味咖喱汁各有所愛，檔口自家秘製惹味醬汁更係精髓所在，愈辣愈要食，過足口癮。
$3.40 講起煎釀三寶，人人喜好不同，可以係青椒、紅椒加茄子，亦可以係紅腸、豆腐，釀埋鯪魚膠滾油一炸加豉油，咁又一餐了。
$4.9 墨魚、紅腸、雞腎、各式雜碎嘅港式滷水，食之前當然要加啲甜醬、芥辣先叫原汁原味。
套摺 唔止咁，仲有以雞蛋仔為造型嘅套摺，封面設計加上傳統啡色紙袋嘅元素，充滿咗懷舊復古嘅氣息。
小版張 仲未講完，小版張上有多種懷舊餐具，同埋香滑濃郁、人見人愛嘅港式奶茶等元素穿插點綴，令整個郵票主題更突出。
街邊篤串「魚蛋」、大排長龍只為幾條沾滿甜醬同麻醬嘅「腸粉」、霎時選擇困難症發作，揀極都未揀好要邊「三寶」……呢啲掃街搵食嘅樂趣，平平地已經食到捧住個肚嘅滿足，都係我哋專屬嘅生活小確幸❤️。
珍藏卡(新產品)
無論係想keep fit唔敢食太多，又或者係平日要捐窿捐罅先食齊嘅懷舊小食，今次都可以一次過喺「香港懷舊小食」特別郵票中搵到。一套珍藏卡，內附1套6枚自動黏貼郵票，集齊魚蛋、糖蔥餅、煎釀三寶、菠蘿油、滷水串及花生糖6款令人心心眼嘅經典小食，放喺枱頭，不得之了。如果「望梅」真係可以「止渴」，今次應該可以「望郵票、止口痕」喇！
$2 「篤魚蛋」嘅經驗相信人人都有。粒粒爽口彈牙，原味咖喱汁各有所愛，檔口自家秘製惹味醬汁更係精髓所在，愈辣愈要食，過足口癮。
$2.6 答得出鍾意食糖蔥餅嘅你，應該有返一定人生閱歷了。其實糖蔥餅係用麥芽糖製成嘅糖膠，因為外形同蔥白相似而得名，入面加入椰絲、芝麻同花生等餡料，甘香鬆脆，係上世紀五六十年代從潮汕地區傳入香港嘅。
$3.40 講起煎釀三寶，人人喜好不同，可以係青椒、紅椒加茄子，亦可以係紅腸、豆腐，釀埋鯪魚膠滾油一炸加豉油，咁又一餐了。
$3.7 菠蘿包入面從來沒有菠蘿，只有一塊貌似菠蘿表面嘅酥皮。熱騰騰嘅菠蘿包，加上鮮油一塊，好味到呢……食完再做運動啦！
$4.9 墨魚、紅腸、雞腎、各式雜碎嘅港式滷水，食之前當然要加啲甜醬、芥辣先叫原汁原味。
$5 花生糖係來自潮州嘅民間小食，將炒好嘅花生，加上用麥芽糖同白砂糖煮成嘅糖漿，小件小件放入口，香甜鬆脆。
郵票小型張
介紹完以上小食，你一定覺得「唔夠喉」，因為沾滿甜醬、麻醬同辣醬嘅豬腸粉、滑一滑嘅豆腐花、甜而不膩嘅麥芽糖夾餅、煙煙韌韌嘅砵仔糕，以及經典嘅雞蛋仔，今次被製作成郵票小型張，用另一種設計同大家見面。呢套郵票同小型張都用咗壓印技術印刷，令小食更有立體感。
套摺
唔止咁，仲有以雞蛋仔為造型嘅套摺，封面設計加上傳統啡色紙袋嘅元素，充滿咗懷舊復古嘅氣息。
小版張
仲未講完，小版張上有多種懷舊餐具，同埋香滑濃郁、人見人愛嘅港式奶茶等元素穿插點綴，令整個郵票主題更突出。
寫到呢度，小編表示：抹完檯面嘅口水，真係要出去醫醫肚先。如果你都想將以上港式味道好好記低，呢套郵票，必買：https://bit.ly/2PXHSum
最後誠意邀請你Like 埋香港郵政Facebook專頁「郵票．郵趣@Hongkong Post Stamps」緊貼最新郵票資訊！
