娛圈事
最萌身高差！
ViuTV《囝囝女女730》邀請有份參加過《全民造星》系列的參賽者，與其他嘉賓上節目傾偈唱吓歌，節目踏入新一季，商台DJ阿正在社交網發文表示：「《囝囝女女730》有位小學生上嚟做嘉賓呀！新一季呢位妹妹星期一晚都會出現呀」。
阿正足足矮三人一個頭！
圖中可見，阿正與《造星III》的Vincent（羅振峰）、CY（陳澤言）及Christine（鄭嘉欣）合照，她更在照片劃上虛線，證明三人與自己身高爭成個頭，形成極大對比！
阿正和Vincent、CY、Christine身高差好可愛。
CY也在社交網指Vincent、Christine和他是「全高班」，引來阿正留言問：「我呢？」而阿正不少圈中好友都紛紛留言指身高差好搞笑，林奕匡表示：「唔知點解 感覺好似P圖 而P你上去時 P得唔夠大...」。
阿正在照片劃埋虛線，慌死大家睇唔到，陰公。
當奴就恥笑她「證明今日你喺office講過嘅說話係錯」，不過阿正回覆他時仍堅持自己是「正常身高」。
嘉賓許靖韻身高接近5呎7（170cm）都顯得好嬌小。
林奕匡還送了《高山低谷》十周年音樂會的門票給這幾位有緣的Busker。
最近密鑼緊鼓地排練音樂會的林奕匡（Phil）日前晚上途經旺角取車，聽到busker演唱自己的《安徒生的錯》技癢，突入busker街頭開Live一同演唱！Phil更即興與Busker jam《有人共鳴》及「DSE神曲」《一雙手》，當中有樂手今年考DSE，又謂：「我小六就聽呢首歌。」Phil苦笑表示：「你想兜個圈話細個就聽我啲歌。」
Phil日前晚上途經旺角時，聽到busker演唱自己的《安徒生的錯》技癢，突入busker街頭開Live一同演唱！
途中，Busker表示：「3年前玩sing con（歌唱比賽）初賽，第一次玩呢首歌，就係《高山低谷》」故希望與Phil現場唱一次《高山低谷》，Phil搞笑指：「3年前啫！」又指歌曲正正推出了十年，Busker即指出：「嗰時我7歲。」，場面惹笑。隨即，樂手更建議彈THE FIRST TAKE Version，Phil不禁大讚：「呢個version多咗個music break，你都識？」
Phil現場獻唱《高山低谷》。
期間，Phil表示：「今日幾開心，冇諗過有咁大嘅收獲，我係有個會計喺登打士街，行過嚟拎車嘅時候就咁啱見到。音樂其實有時就係緣份嘅嘢，例如遇到一隻歌、遇到一個故事、遇到一份詞，生命有唔同嘅機遇就係咁樣嚟。」又鼓勵Busker繼續追夢，做到自己喜歡的事，即使遇到挑戰都會令人成長，讓自己能夠面對更多難題：「做音樂唔容易，尤其是buskers，要一早霸定個位又要練好多歌，所以大家要多多支持。」期間，一度獲圍觀市民一同大合唱，唱畢後，Busker大喊：「我真係好開心呀。」場面熱鬧又溫暖。
圍觀的市民一度一同大合唱。
最後，Phil決定送上音樂會門票邀請Busker到場欣賞這場別具意義的音樂會，見證Phil十年來經歷《高山低谷》的音樂軌跡，藉此激勵街頭表演者憑《一雙手》握成拳頭，總會尋找到屬於自己的地方。
Phil還為Busker送上音樂會門票。
事後，Phil亦上載大合照謂：「記得十年前，我都有喺呢度busk過，亦都希望鼓勵一下追音樂夢嘅朋友💪🏻💪🏻Do what you love，love what you do. 就算觀眾多與少，你都可以一樣咁enjoy，加油！」
View this post on Instagram
林奕匡（Phil）將方下週（4月27-28日）舉行一連兩場「agnès b. Presents: 高山低谷 10週年 Special - Phil Lam The Great Decade Live」音樂會，早前已率先預告歌單包含很多大家耳熟能詳的歌曲，部份歌曲會重新編曲，更密鑼緊鼓練習saxophone為音樂會演出！密切期待！
