張繼聰P圖扮揸車去富士山 謝安琪：在那邊生活好嗎

兩公婆真有情趣！

張繼聰與謝安琪（Kay）結婚14年，兩人相處依然有不少情趣，如經常在網上互動耍花槍，笑死好多網民。近年阿聰沉迷騎電單車，假日一早起身約車友遊車河，過完癮先交人。收過老公送贈電單車嘅Kay早前仲去報名學揸電單車，期待未來張氏夫婦電單車出遊記。

謝安琪收到電單車做禮物，所以就去報名學揸電單車。

未有電單車牌嘅Kay 在IG發文網上尋夫，她分享了一張阿聰與電單車及P圖富士山的合成照，當時阿聰在自己ig表示：「冇嘢㗎，悶悶哋，咪同班朋友，去河口湖走番轉囉，之後去富士山浸個溫泉。」張太拎咗張相搞笑留言問老公：「聰，你和一班電單車友，在那邊生活好嗎？我們在這邊還好。勿念。琪」

貼文引來林芊妤、陳瀅及顏卓靈留言大笑，蔡思貝亦大讚：「你們太有情趣了吧！」有網民笑言阿聰已經揸到唔識返屋企」，亦有人為Key圖Key上Key，將2000年日劇《美麗人生》中，常盤貴子坐輪椅的造型照Key在「港版木村」阿聰身旁。阿聰其後亦轉發該圖，大讚網民P圖好正。

網民Key咗常盤喺阿聰身旁。

2000年，常盤貴子與木村拓哉主演的日劇《美麗人生》大受歡迎。

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！