她難過地表示，「有咩唔比得人知」？
定期做健康檢查可以買個安心，但是近日一份健康檢查報告卻令一名人妻非常不安心。事源一名網民表示，他的丈夫以往都會告訴她檢查的結果，但今次卻試圖隱瞞報告內容，但她難過地表示，「有咩唔比得人知」？
設計圖片
該名網民於香港討論區上以「驗身報告有咩係唔畀得人知？點解老公唔畀我睇？」為題出帖，她指丈夫每年都會做身體檢查，但早兩日陪他到醫院取驗身報告時，丈夫竟拒絕網民入房一起聽，獨自聽完後只表示「差唔多」，又收起驗身報告「唔畀我睇」。
設計圖片
網民表示，「點解要咁秘密？一直都知佢有輕微糖尿病，但份報告有咩係驗完唔畀得我知？」
網民又指丈夫收起健身報告時，「個心都那那地痛」，她稱「以前拎報告都比我入房聽，又會自動自覺比我睇，點解突然今年要收埋？份報告有咩係唔想另一半知？點解突然會變得咁古怪有咩唔畀得人知？懶神秘？古古怪怪咁」。
設計圖片
帖子引起網民熱議，有人認為「男人份report有咩唔講得，我都想知」、「兩公婆就應該坦誠啦，仲要係有關身體上既嘢，有咩事你都要照顧佢㗎」、「你老公身有屎」。
但亦有人認為「就係因為兩公婆有時有啲事難以啟齒， 或者係佢需要啲時間睇下點講你知啫，不如用軟功，比你老公多啲溫柔，支持先啦」、「樓主睇到報告肯定又會哦佢一大輪，跟住又要清淡又要早瞓又要做運動，男人最怕呢啲嘢。」
網民的丈夫每年都會做身體檢查。資料圖片
資料圖片：香港討論區
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
