Anson Lo慢吞吞輸晒 姜濤耳邊講嘢搞到Edan反白眼

哈哈哈哈哈！

姜濤早前擔任快餐店代言人，他為品牌拍攝最新一輯廣告片《大姜的愛》，與MIRROR隊友Edan（呂爵安）及Anson Lo（盧瀚霆）合作，加入呢Pair港版《大叔的愛》CP玩BL三角戀！職場做背景，姜濤化身「進擊小鮮肉」電暈前輩Edan，又在Edan耳邊用氣音講嘢，令他重現招牌「反白眼」！

觀看相關影片按以下畫面：

男友Anson Lo找姜濤講數時「腳咚」對方，柔軟度驚人，但慢半拍的他始終輸畀貼心的姜濤。除了捉手仔、壁咚外，片尾姜濤及Edan更共食一條薯條，「姜dan」CP滿足一眾Fans幻想，令大家都紛紛留言指好想做主角，十分搞笑！

姜濤化身「進擊小鮮肉」仲要好有機心。

Edan最怕咩都要等。

Anson Lo咩都慢半拍。

Anson Lo嬲Edan同姜濤咁Close。

Edan等緊Anson Lo拖手𠱁佢。

姜濤有機可乘，笑容好邪惡！

姜濤借意整跌文件。

姜濤借意拖Edan手。

姜濤喺耳邊講生日快樂令Edan興奮到反白眼！

Edan罵Anson Lo咩都要等。

Edan開會後好肚餓。

Anson Lo仲要對方等，廿分鐘後先買漢堡包。

姜濤即刻拎住外賣壁咚Edan。

Anson Lo腳咚姜濤傾數。

不過姜濤已得到Edan歡心，二人更Share同一條薯條。

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」