胡子彤強尼跑馬拉松虛脫險暈 吳海昕難忘追着電車夜跑

胡子彤、強尼和吳海昕在電影《二次人生》經歷不少難忘戲份。

胡子彤、吳海昕、強尼首度合作電影《二次人生》，戲中三人在地產公司工作，強尼是子彤和海昕上司，而子彤是個由細到大冇目標的人，仲要運動唔叻，同他剛好相反，最初演繹時好唔慣。講到難忘戲份，子彤和強尼都好記得跑馬拉松一幕，子彤差點跑到虛脫，而不用跑只打氣的強尼亦搞到見暈；而海昕就最深刻零晨時份追着電車夜跑戲份。

子彤、海昕同強尼在電影《二次人生》初次合作。

戲中主角「李志行」由細到大都冇目標，跟現實中的子彤剛好相反，「我係唔可以冇目標，『李志行』畀我嘗試一個冇目標嘅人生，不過當你有層樓，食得住得瞓得，有friend陪吹吓水，有條女溝吓，幾開心呀！咁等如人生乜都冇，當你冇嘅時候想有啲嘢，先會有目標，估唔到可以經歷個咁嘅人生，廿幾年有目標嗰啲嘢掉低晒，試吓冇目標係點，任由導演決定點樣行，都幾好玩。」

冇目標的「李志行」連愛情都不思進取，要女方做主動。

戲中子彤有不少跑馬拉松戲份，但導演何力恒要他扮唔識跑，「我平時有跑，細個係玩跑步先。套戲有好多跑開嘅人幫手拍，我就同佢哋極端相反。（吳：hea跑！）係hea跑，又唔係困難嘅，用另一個方法處理啫！」講到跑馬拉松，結局一場子彤跑足整日差點捱唔住，「拍完之後我同強尼講，我真係有啲虛脫有啲攰，而戲裏面強尼喺側邊叫我跑埋佢，我真係捱埋，個畫面係好深刻。」

運動員出身的子彤，拍跑馬拉松戲差點搞到虛脫。

負責打氣不停嗌的強尼，辛苦到差點見暈。

原來這場戲雖然強尼唔使跑，但都因體力不足好難忘，「衝線嗰段喺天光道拍，我印象都深，因為嗰度一條直路，我要不停咁嗌，我就嗌到喉沙兼喉嚨痛，又唔可以慳力，嗌咗好多take，嗌到有啲暈暈哋，證明我唔夠fit呀！」

三人互笠高帽狂讚對方，就知相處融洽。

至於海昕最難忘零晨追住電車夜跑一幕，「我哋跑咗一晚，拍到零晨三、四點，同一班真係跑開西環嘅跑友一齊拍，我拍之前有專登練跑同埋踩單車，所以我嗰晚都可以跟到，但係跑完之後都有同子彤講不如操吓體力，嗰班人真係好fit，嗰晚係好開心，因為一路有得做運動，跟住又可以拍戲，好難得可以跟住架電車跑。」

海昕最難忘追着電車夜跑一幕，因機會難得。

未出道先轟動！

港產小說漫畫動作電影鉅獻《九龍城寨之圍城》(Twilight of the Warriors: Walled In) ，籌備經年，將於5月1日隆重上映，不少圈中好友均想先睹為快，其中三位主演林峯、 胡子彤及張文傑，前晚（4月22日）就邀請一眾好友一齊率先欣賞，帶領大家重返當年城寨，感受戰死方休的暴力美學，現場觀眾欣賞到片中一眾男演員瞓身演出激烈武打場面，演活原著余兒筆下故事角色，不禁讚嘆《九龍城寨之圍城》是近年難得一見動、靜皆描繪得細膩精彩的大電影，是港產片驕傲作品。

張文傑、胡子彤、林峯出席《九龍城寨之圍城》明星場優先場。（左起）

胡子彤、林峯、張文傑擺出功夫姿勢！（左起）

而昨晚所邀請出席的嘉賓包括苗僑偉、戚美珍、張之亮、余安安、錢嘉樂、吳卓羲、楊茜堯、林夏薇、黃浩然、吳林峰、朱鑑然、張蔓姿、張蔓莎、菊梓喬、陳苡臻、胡卓希、徐浩昌（肥腸）、鄧月平、李凱賢（Brian）、徐偉棟、徐㴓喬（Asha）、黎峻、張小倫、鄭晉軒（Coba）等。

劉俊謙因為開工未能出席，而林峯、胡子彤及張文傑三子聚頭，在明星場舉行之前，先與媒體會面，三人應邀擺出功夫姿勢，各自chok樣搶鏡，三人連同劉俊謙在戲中是城寨好兄弟，自稱戲中「城寨四少」，現實亦成為好友，三人在活動上笑稱組成新男團「Kowloon Four」，更即慶一齊起舞。而各人的好友抽空來臨支持，林峯與好友吳卓羲、楊茜堯擺出心心甫士；上星期生日的胡子彤，亦獲得一眾好友送來蛋糕祝賀；張文傑的好友鄧月平、肥腸亦親臨支持。

林峯、林夏薇、楊茜堯、吳卓羲。（左起）

林峯表示，今次拍攝打得興奮，拍攝打戲始終會有多少傷痕，林峯笑言有向女兒展示傷痕，他說：「會向女兒賣慘，裝痛哎呀！哎呀！她會呵我逗我開心。」胡子彤在拍此片受傷要聯15針，幸快速痊癒，在活動上也特別風騷chok甫士，他說：「今次切實的拳腳功夫，加上要用日本刀，要花時間進入狀態。受傷沒想過會否破相，只考慮會否影響拍攝，幸好沒大影響。」電影辛苦拍攝完成，終於上映，張文傑表示，從未試過看優先場也心情緊張，他笑說：「有少許像開騷前那種緊張，頻頻想去廁所。」

林峯笑言有向女兒展示傷痕：「會向女兒賣慘，會呵我逗我開心。」