HotTV
靚湯好論盡啊！
湯洛雯出席新劇造型活動透露，最近忙於搬新屋，因為睡眠不足皮膚有點差。她自言為慳錢，購入了不少現成傢俬，部分要親手組裝，亦因組裝傢俬做成血光之災，她笑笑說：「鎅嘢時太用力，唔小心鎅咗落膝頭上面；唔係好深嘅，但都即刻流血。（馬明知唔知？）佢知，因為知我論盡，無乜特別感覺。試過喺商場拖手行街，我成個人趴咗落地，佢仲拖住我隻手，問我咩事？嗰刻覺得自己好𤓓。」
TVB新劇《雙生陌生人》造型活動。
靚湯又謂馬明可趕及她生日回港。
馬明即將完成拍攝《白色強人II》回港，靚湯謂馬明可趕及為她慶祝生日，笑說：「我5月6號生日，不過到時我可能要開工，想去Staycation，因為未試過。」
靚湯話馬明知她論盡，所以得知她鎅傷也沒感覺。
資料圖片
靚湯心痛愛貓！
湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」
靚湯心痛得狂飆淚！
隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
靚湯叫大家帶毛孩打完疫苗後， 一定要留意牠們情況。
指愛貓情況已穩定。
