*

upload_article_image

Executive日記——fb出po籲接種疫苗 「三耳」局長感謝支持 92歲李嘉誠打第一針 問「你打咗未」?

  唔少名人打針,都會馬上成為鎂光燈下嘅主角。最新焦點就落喺本港首富、今年九十二歲嘅長和系創辦人李嘉誠身上。由佢創立嘅李嘉誠基金會,昨日喺社交平台分享,誠哥已經接種咗疫苗啦,仲幫政府大打宣傳牌:「我今天打咗疫苗,你打咗未?」難怪公務員事務局局長聶德權隨即轉載帖文,感謝誠哥身體力行支持疫苗接種計劃。
養和醫院打復必泰
  從張相可見,誠哥戴住白色口罩,露出左肩膊,一位女醫護人員正為佢接種疫苗。簡單一個post,已經有唔少網民留言祝福誠哥「身體健康」,亦都有人估佢打邊隻針。基金會回覆指,誠哥係喺養和醫院接種第一針復必泰疫苗,仲代表佢講「謝謝大家關心」。
  聶局長指香港要建立保護屏障,重啟經濟,恢復出行,重回正常生活,一定要靠社會各界同心支持,呼籲盡快盡早接種疫苗!誠哥咁大年紀都打復必泰,證明日日運動嘅佢,身體狀況有保證。
  呼吸系統專科醫生梁子超就同Kelly講,年齡唔係一個問題,英國有唔少九十歲嘅老人家都打咗復必泰。
Kelly Chu

往下看更多文章