Skip to Content Facebook Feature Image

母親向親戚借錢湊300萬首期助買樓 港女被指諗法太天真

社會事

母親向親戚借錢湊300萬首期助買樓 港女被指諗法太天真
社會事

社會事

母親向親戚借錢湊300萬首期助買樓 港女被指諗法太天真

2021年04月17日 12:19 最後更新:13:18

本港樓價長期高企,在「一樓難求」的情況下,不少人都會寄望可抽到公屋或居屋。有港女指與母親現居於一個2人公屋單位,自己亦即將畢業,向親戚借錢後,湊夠200至300萬元首期買樓,不過就遭大批網民反駁其買樓念頭太天真!

資料圖片

資料圖片

有女網民在網上討論區「連登」上,以「綠表抽居屋定買細單位私樓好」為題發文,指自己與母親前幾年獲派一個2人公屋單位,雖然接近市區,但既沒有房間,亦是樓齡約40年的舊式公屋,「唔係幾好住,例如廁所係明喉,有時仲會滲出臭味,但裝修仲算好新淨」。

資料圖片

資料圖片

樓主表示,母親近幾年的收入不錯,更希望女兒可以擁有自己的物業,遂提出給200至300萬首期予樓主買樓。樓主解釋,該筆錢是母親工作所得,以及向親戚借來,強調絕非「呃公屋」,「我知家境好咗,都好想快啲還番間公屋,冇諗過霸住」。

資料圖片

資料圖片

樓主續指,母親打算將她由該個公屋單位除名,「叫我買私樓,留返間公屋」,不過她就認為私樓又貴又細,較為平價的又「好舊好遠」,貴些少的話她又未必能通過壓力測試,皆因現時她正就讀「乞食科」。此外,她表示自己打算於5年內移民,而母親則計劃將來回內地養老,「我就覺得反正間公屋以後冇人住,不如還番出嚟拎去抽居屋,買間400萬左右嘅都有4-500呎,易啲過到壓測之餘,以後移咗民都可以收租嚟供樓……所以我都唔知點揀好。」

帖文引起網民熱烈討論,不少人都認為事主的想法過於天真,反駁其買樓念頭,「坦白同你講,你2人綠表係抽唔到400-500呎居屋,抽到都係得200零呎」、「私樓唔使諗,你讀緊乞食科,出嚟搵萬零兩萬實唔過壓測,綠表居屋咪每年交幾百抽下先,抽到先再睇,睇唔啱咪唔要」、「你書都未讀完就諗供樓?再者你話5年內移民,要層樓托,你記住你唔住都要供喎」、「樓主你仲要諗住移民,不如留低啲錢啦」。

有港女指與母親現居於一個2人公屋單位,自己亦即將畢業,向親戚借錢後,湊夠200至300萬元首期買樓。資料圖片(示意圖)

有港女指與母親現居於一個2人公屋單位,自己亦即將畢業,向親戚借錢後,湊夠200至300萬元首期買樓。資料圖片(示意圖)

資料來源:「連登」

往下看更多文章

油塘酒樓1人坐卡位遭收3茶錢 食客嬲爆:枱又唔執錢就識收

2024年03月29日 12:30 最後更新:15:06

食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

該食客於Facebook群組「油塘人之家」發文,表示日前到油塘大本型商場內某酒樓用膳,甫進入內,一位侍應示意他入座,當時樓主見現場未滿座,而且大部枱未有人清理,於是找了一張4人卡座獨自坐下,怎料侍應隨即走到他面前,收起碗筷,並告知他需要付3人的茶芥費用「仲要大大聲話公司規定」。樓主非常氣憤,於是拍枱走人「枱又唔執錢就識收,真係頂唔順即走,本地消費真係靠晒佢哋」。

從樓主上載的照片可見,酒樓的確張貼出告示,說明因座位有限,1至2人選擇坐4人卡座,需付最少3位茶芥。

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

帖文曝光後,有網民到訪該酒樓的類似經歷「我都試過,當日已是下午茶時間,且茶客稀少嘅!我哋兩位,選擇卡座位,我都俾職員提醒,要收多1位茶錢嘅!真是創意無限」、「我今日都同樓主一樣經歷,入去話一位,個職員話有位就坐,但張張都坐左人。一係就未執枱」、「領教過晚飯1次。餐牌太多規矩。服務態度差。唔會再去」。

不少網民批評酒樓的做法。(Getty圖片)

不少網民批評酒樓的做法。(Getty圖片)

雖然不少網民批評酒樓的做法「趕客之都果然名不虛傳」、「最簡單,唔好幫襯,等佢執」;不過亦有人表示「如果俾三位茶錢而冇其他人搭枱,我都可以接受」、「佢個卡位係可以望出睇到街景,坐得闊落d唔使搭枱,上次我兩位入座照比佢,黃昏食住睇日落靚景,我覺得冇所謂」、「係咪唔會被搭枱?如果是的話,我會比」。

有人則表示如果座位舒適又不用搭枱的話,會願意多付茶芥。(Getty圖片)

有人則表示如果座位舒適又不用搭枱的話,會願意多付茶芥。(Getty圖片)

帖文來源:Facebook群組「油塘人之家

你 或 有 興 趣 的 文 章