有人認為是餐廳設計的廣告，「手法唔錯」。
大家不時都會在街頭看到尋人或尋動物的啟示，而近日竟有餐廳貼出「尋蟹啟示」，令不少網民都感到相當有趣，亦有指是「高質廣告」！
(Getty圖片)
「水門泰式海南雞飯專門店」在其社交媒體Facebook專頁指，荃灣南豐紗廠店遺失一隻紅蟹，「我紗廠隻蟹偷走咗，如果見到佢唔好踩，同我地講聲，會有專人出嚟捉返」，並上載手寫的「尋蟹啟示」圖片，表示若協助尋回的話可獲「薄酬半隻雞」。餐廳又在帖文以主題標籤（hashtag）形容「失蟹」的特徵，包括「紅色既（嘅）」、「有8隻腳」、「2隻鉗」。
該餐廳貼出「尋蟹啟示」，並指協助尋回的話可獲「薄酬半隻雞」。「水門泰式海南雞飯專門店」FB圖片
不少網民看完帖文後，都覺得事件非常搞笑有趣，紛紛留言指「有冇晶片？如果冇，漁記會拍咗佢㗎！打去備案先啦」、「主人一定好傷心，收到勒索電話未？蟹子仲安唔安全？」、「你一定因為無裝窗網啦，真係好不負責任」、「佢叫咩名，試下喺附近嗌吓，可能佢會返嚟」。
(Getty圖片)
有網民留言要求餐廳貼出「失蟹」的相片，餐廳亦以其近照回覆，並指「等緊佢返嚟食魷魚圈」。另外，亦有人認為這則是餐廳設計的廣告，並稱讚「廣告手法唔錯」。
該餐廳貼出「尋蟹啟示」，並指協助尋回的話可獲「薄酬半隻雞」。「水門泰式海南雞飯專門店」FB圖片
資料來源：「水門泰式海南雞飯專門店」FB
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
