坤哥生日快樂！
吳業坤結束日本工作假期回港正在酒店接受隔離檢疫，今日（18日）31歲生日的他也不愁寂寞，昨晚大搞「港女feel睡衣派對」為自己慶祝。
隔離中一個人過生日。
坤哥在社交網站上載「生日會」相片，見到玻璃窗貼上手寫的「31才（歲）KwanGor Happy Birth Day」紙皮，更換上卡通睡衣並趴在床上露出腳板底的「港女Feel」pose自拍，十分配合主題！
希望不要醉到行了出門口被人拉入隔離營。
坤哥更以長文自勉，他寫道：「試過一班人去唱k比（俾）人查身分證過生日 試過係（喺）拍劇過生日一齊食pizza 試過係（喺）紅館過生日一齊rehearsal 今年試係（喺）隔離中一個人過生日（搞埋港女feel睡衣派對） 三字頭之後既（嘅）路應該點行 呢半年好似搵到 我會繼續隨波逐流 不過果（嗰）個『波』開結會係自己個波 想慶祝既（嘅）時候 就算橫風橫雨 都可以一個人笑著起舞（隔離中的感受）」。
紙皮好難剪。
坤哥自言一向給人印象如「大細路」，稍後會嘗試男人路線，更笑言：「我放棄治療你由我一晚啦」、「希望唔好醉到行左（咗）出門口比（俾）人拉入隔離營」。
一個隊晒這麼多酒？
《卡拉O！BABE》返嚟喇！
由新城廣播創作總監及節目主持啤梨（葉文輝）主持的經典節目《卡拉O！BABE》正式回歸並於日前（3月8日）首播，第一日開咪已經有不少驚喜，所有電話線爆晒燈，「鬼王」潘紹聰突然殺入錄音室展歌喉，原來「鬼王」好唱得，驚喜還未完，節目尾聲時，吳業坤「坤哥」扮聽眾打電話到節目，熱鬧到不得了。
啤梨（葉文輝）主持的經典節目《卡拉O！BABE》正式回歸
第一日開咪已有不少驚喜
「鬼王」潘紹聰突然殺入錄音室展歌喉
所有電話線爆晒燈
「鬼王」潘紹聰殺入直播室唱K
啤梨（葉文輝）
聽眾們期待10年的回憶殺《卡拉O！BABE》終於正式回歸，豐富主持經驗的啤梨開咪前也興奮說：「好緊張！一早便返回錄音室做足準備，測試咗好多次收音器材！」十分認真。而好友潘紹聰知道啤梨首播，馬上全力支持，仲罕有在大氣電波顯示歌喉，即席獻唱近期熱爆的《傾城》，更鬼馬地大改歌詞，把其中一句改為「傳說中 痴心的眼淚會『新』城」，笑翻全場。潘紹聰笑言，自己的節目《恐怖熱線》比《卡拉O！BABE》遲一天開播，仍不忙為啤梨做嘉賓：「我聽日（9日）先開波，我今日畀咗你喇！」
吳業坤扮聽眾打電話到啤梨主持的首集《卡拉O！BABE》
進入節目第二部份，錄音室的電話線繼續爆晒燈，一直不斷有聽眾打電話進來想唱歌，但啤梨也沒想到收到意外驚喜。「係咪啤梨？係咪啤梨呀？我係吳業坤！」啤梨當場也呆了兩秒，反問對方：「吳業坤？你真係嗰個吳業坤？」坤哥笑言自己應該早在14年前打通這個電話，自言自己從小就很愛唱K，更即場演唱自己首本名曲《陽光點的歌》，為節目炒熱不少氣氣。可惜，一小時的節目很快便完結，不少聽眾要留在下星期再度點唱，但啤梨在節目後仍細心逐一致電給聽眾們安撫，他說最希望聽眾們每逢週五晚6時至7時，都可以打1834997，「開開心心聽吓歌、唱吓歌」。
