該名媽媽稱：「個個都知凍嘢唔好㗎啦，常識嚟㗎喎！」
看醫生後要乖乖聽從醫生的指示，才能盡快康復。近日有一名診所助護就分享指，一名媽媽拒絕依照指示將抗生素放進雪櫃，擔心女兒食冰凍的食物會傷身，令該名助護大感無奈。
設計圖片
Facebook專頁「診所低能奇觀」今日分享，指一名媽媽帶女兒到診所看醫生，由登記到看醫生的過程均很順利，但直到助護提醒該名媽媽一隻抗生素需要放入雪櫃時，她突然非常大反應，指「要放入雪櫃？」，助護於是解釋「唔係急凍嗰格，保鮮嗰格就可以」。
一名媽媽拒絕依照指示將抗生素放進雪櫃，擔心女兒食冰凍的食物會傷身。Unsplash示意圖
但是該名媽媽依然非常激動，指「你要我個女食凍嘢呀？我個女嚟㗎」、「冇可能俾我個女食凍嘢囉！醫生講㗎？」
設計圖片
她未有等助護回應，接著質疑醫生的指示，稱「有咩可能一個讀書多過我嘅醫生叫我個女食凍嘢呀？讀書讀壞咗個腦呀？」及「個個都知凍嘢唔好㗎啦，常識嚟㗎喎！一個醫生讀幾多書冇常識都係一個垃圾醫生囉！」
設計圖片
該名媽媽最後再問了助護會否食凍嘢，見助護點頭後，說了一句「唉，死得，原來我嚟咗間垃圾醫生垃圾姑娘垃圾診所，冇一個有常識㗎」，就拖著女兒離開，留下一臉無奈的助護。
帖子引起網民熱議，有人指出「我唔信佢幾十歲人無食凍嘢飲凍嘢囉」、「咁呢個人屋企肯定冇雪櫃啦...」、「以佢邏輯，食雪糕飲涷嘢果啲應該係智障？」
亦有人替她的女兒可憐，「阿女，你食燒烤熨傷個口呀？來，飲杯熱水就好㗎啦」及「可能呀女成世人喺未嫁前都冇機會食凍嘢」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
