姜濤貼心叮囑Fans快回家 AK撰長文多謝Ian作《蝸牛》

MIRROR叻仔！

MIRROR昨晚（18日）在《Chill Club推介榜 年度推介》大豐收，團隊及個人一共奪8獎，其中姜濤和陳卓賢（Ian）更分別摘下年度男歌手銀獎及銅獎。二人在後台自拍短片晒可愛，而姜濤更在IG Story叮囑Fans「快回家」，好Sweet！

姜濤在IG Story叮囑Fans「快回家」。

姜濤好貼心。

一班姜糖（姜濤粉絲稱呼）又有冇乖乖聽話呢？

至於Anson Kong（AK、江𤒹生）憑《蝸牛》合唱版與Ian齊齊奪十大歌曲獎，AK在社交網發長文多謝MIRROR、《蝸牛》製作團隊、工作人員、粉絲及家人，他特別鳴謝Ian創作《蝸牛》送給他，更自爆二人經常鬧交，不過感情依然好好，言詞懇切。

AK多謝Ian為他譜出《蝸牛》一曲。

AK又有多謝MIRROR。

姜濤和Ian分別奪男歌手銀獎及銅獎，二人在後台玩自拍。

林家謙贏得6個獎項，包括「男金」，不過在頒獎禮上的態度就惹來部分網民抨擊。他事後解釋並非因為有塵才抹獎座，而是擔心消毒酒精會「乸到」，對獎座相當珍惜。

態度遭抨擊的林家謙獲粉絲安慰。

此外，得到女歌手銀獎的Serrini就與填詞人Oscar集郵影相，日前在麥花臣開騷的她更疑似預告演唱會有Part 2！不過她一時大頭蝦，不知獎座原來要交還大會刻名，Serrini今日在社交網留言：「原來尋（噚）晚個獎要還番比大會刻名，得我一個攞左（咗）番屋企」，她更即刻在獎座黐上寫有暱稱「樹莉莉」的姓名貼紙，幽默到爆！

Serrini誤將未刻名的獎座拎走，她黐上寫有暱稱「樹莉莉」的姓名貼紙補數。

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」