陪新抱買BB嘢 家燕姐無上限任買：反正可以重用

家燕姐話新抱鍾意買乜就買乜！

下月榮升「家燕嫲嫲」嘅薛家燕心情愈嚟愈興奮，每天倒數迎接大日子，日日笑唔停。日前趁住復活節，難得兒子石耀庭（Jackson）及大女石祐珊都有假期，腹大便便嘅新抱仔陳素怡（Zoe）都破例出動，舉家去咗銅鑼灣shopping添置BB嘢，開心到爆嘅「家燕嫲嫲」講到出口想兒孫滿堂：「我無上限係咁畀錢，貴啲都冇所謂，可以重用嘛！」

家燕姐71歲生日好驚喜，最難得有空檔，可以去做吓一年一次嘅body check及睇埋眼科醫生。

最後一集嘅《流行經典50年》適逢喺家燕姐71歲生日當天錄影，曾志偉同一眾藝人為家燕姐切蛋糕慶生，現場相當熱鬧。

曾志偉話家燕姐事業線深長，承諾《流行經典》年尾會再回歸。

多年嚟薛家燕日日忙到癲，咁啱TVB綜藝節目大改革，可以放低做咗4年的《流行經典50年》重擔，真真正正享受吓人生，她開心說：「日前新抱仔帶我去銅鑼灣食Tea，我就陪佢睇BB嘢。我哋好似去咗泰國渡假咁，好享受！第一次同新抱仔行街，見佢個肚咁大，樣樣都睇住佢，不時叫佢坐吓休息吓，但佢步履輕鬆，反而會拖到我實，照顧返我。shopping期間，有唔少途人上前恭喜我，今年生日真係有好多驚喜。」

家燕姐同兒子全程睇實Zoe，但Zoe佗得個樣好靚，行動好輕鬆，反而照顧返奶奶。

兩母子研究BB車，以安全及質料為重。

當日，家燕姐同Jackson主力睇BB睡牀、Car seat、奶樽及消毒器等，家燕姐仲忍唔住嫲嫲上身，出手抱起個身穿藍白色間條A字裙嘅BB公仔，好有愛！問到係咪有喻意時？家燕解畫話：「其實男孫定女孫都冇所謂，我一樣咁歡喜。」

家燕姐睇嬰兒牀時抱住BB公仔，一臉滿足。

問到家燕姐，有冇送上名貴大禮畀新抱仔鼓勵佢生多啲？她大笑說：「唔需要，佢乜都有，而且Zoe好精打細算，佢反而會從安全、穩陣、有質量嘅BB用品入手，總之佢鍾意買乜就買乜，我不設上限，反正可以重用，變相貴買平用。」疫情下家燕姐年幾冇見喺內地營商嘅男友A君：「今年生日佢有送花，禮物就堅持要面交，呢方面咁我都明嘅。其實佢好想下月返嚟見吓BB，但佢做生意咁忙，要隔離比較麻煩。」

珊珊及後加入茶聚，一家人好似去咗旅行咁Enjoy。

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！