Stanley@MIRROR操肌準備露肉 Alina呻「阿嫂飛」遭轉贈

Stanley即說，女朋友實有免費飛！

男子組合MIRROR成員邱士縉（Stanley）與女友李炘頤（Alina）今日（20日）一同出席ViuTV新劇《IT狗》開鏡拜神，兩人笑認是「半情侶檔」，皆因同劇不同場。

Alina也表示不想跟Stanley演情侶，皆因覺得又要鬧交好攰！

Stanley明言不希望演情侶，反而想嘗試其他角色，更大膽說：「或者她演我失散多年的家姐，好玩啲！」Alina即反白眼還擊：「姑姐呀笨！其實我也不想跟他演情侶，又要鬧交，好攰呀！」Stanley亦笑言擔心二人Cut機後仍繼續鬧下去。

Stanley竟盼Alina演其失散多年的家姐！

談到於社交網上載操胸肌的短片，Stanley稱未知演唱會要否露肉，但謂：「不過一定有肉的環節，可能Jeremy（隊友李駿傑）露呢，咁先有驚喜！哈哈！」笑問Alina有否「阿嫂飛」？她大呻男友將其免費飛轉贈他人，Stanley即說：「女朋友實有免費飛，但我們拿到的門票有限。」

Stanley於社交網上載操肌片，為演唱會作準備。

Stanley未知演唱會要否露肉，但稱一定有肉的環節。

Stanley一向都大大隻，好Juicy！

MIRROR演唱會的門票火速售罄，反應熱烈！

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」