新歌MV大玩人屍戀 馮允謙《思念即地獄》道出Long D之苦

Jay於MV中化身型爆「殭屍獵人」。

馮允謙（Jay）過去多首歌曲MV都以太空未來世界為背景，特技效果非常突出，是次新歌《思念即地獄》MV就大玩吸血殭屍元素，並邀得談善言和岑珈其演出，當中二人仲有咀嘴場面；而Jay化身「殭屍獵人」，「其實開頭我有提出話想做吸血殭屍，但因為大家話我一向都好正氣、好乖、好紳士，冇說服力，所以我今日全日都唔敢笑，內心要不斷提醒自己諗啲好壞好衰嘅嘢，令到成個人感覺冷酷啲。」

觀看相關影片按以下畫面：

由黃偉文（Wyman）填詞的《思念即地獄》講遠距離戀愛，當中思念的痛苦令人感覺恍如身處地獄，因此，導演陳偉武以殭屍與人陰陽相隔之戀，來表達遠距離思念的痛苦；對此，曾深受Long D之苦的Jay表示故事非常感動。

是次MV找來談善言（右）和岑珈其，大玩殭屍與人之戀。

MV中，化身「殭屍」的談善言（左）更主動咀救她一命的岑珈其。

究竟談善言最後有冇吸岑珈其的血呢？

陳偉武說：「描寫深刻愛情痛苦都見過好多，若果想形容嗰種痛苦好似俾人刺咗一刀咁，甚至好似MV入面咁要流好多血嘅，個感覺會唔會再深刻啲呢？所以就安排Jay做一個殭屍獵人，佢呢身造型加埋支槍，好有說服力。」

Jay的新歌《思念即地獄》講遠距離戀愛，當中思念的痛苦令人感覺恍如身處地獄。

Jay仔車廂中拍攝。

《思念即地獄》MV昨晚（19日）於YouTube上架，Jay連日於IG出Po作宣傳，今晨他留言感激一起合作的音樂班底，並謂現時全球正經歷疫情帶來的影響，相信歌曲道出不少此刻無法跟愛人一起的人的心聲，Jay以英文表示：「Anyway, I’m not here to tell you to be blindly optimistic and that everything is gonna be okay, because I don’t know either. But what I wanna let you know is that I feel your pain and I’m here rooting for you.（我不是在此告訴你盲目地樂觀面對就會一切冇事，因為我也不知未來怎樣。但我想讓你知道，我能感受你的痛苦，而我亦在此支持你。）」

Jay於MV中化身「殭屍獵人」，手持古典手槍的他型爆！

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。