傳重返星夢做「一哥」 胡鴻鈞唔介意再同許廷鏗親密作戰

Hubert被指係「刀削面」，所以決定派刀削麵畀大家。

被指係「刀削面」嘅胡鴻鈞（Hubert）今日（20日）到新城電台宣傳新歌《整親》，他更搞搞新意思，喺電台度派刀削麵及整親急救包畀DJ，嚟增加宣傳效果！Hubert笑稱，多年嚟大家對他評價，都係圍繞整容呢個話題，所以決定派刀削麵畀大家，因為有價值才會有人評論，唔介意被炒作。問到會否「削麵還父」叫朋友送麵畀爸爸？他笑言：「好呀！食完可以再送。」

胡鴻鈞新歌都係由舊公司星夢娛樂頻道上架。

胡鴻鈞落新城電台做宣傳，大派刀削麵及整親急救包給DJ。

已約滿星夢娛樂的Hubert新歌同樣在舊公司頻道上架，傳他「彈出」睇準形勢後，將會「彈入」繼續做「星夢一哥」，Hubert不否定傳聞：「仍然喺洽談階段，有待正式公布。」問到究竟係差咗啲乜？係咪要睇真啲，見機行事呢？他笑住解釋：「係我衰！太忙！」他又否認遲遲未動筆續約係要求高，要爭「一哥」之位，強調從來不在意：「哥前哥後三分險，我只想搵間唱片公司合作做自己嘅音樂，最重要係共同信任及有相同理念，『一哥』從來唔係我介意嘅問題。」

胡鴻鈞由以前「四方面」變咗現在「刀削面」，多年來成為炒作話題。

「刀削面」胡鴻鈞歡迎跟舊密友許廷鏗再做同事。

另外，有傳他前度密友許廷鏗有機會重返星夢娛樂，Hubert聲稱沒所謂，亦不是他控制範圍，最重要一齊做好音樂，他希望大家在香港樂壇都找到自己方向：「我好歡迎所有香港歌手，大家喺同一個家庭。」

有傳許廷鏗有機會重返星夢娛樂，Hubert聲稱沒所謂，亦不是他控制範圍。

橫掃今年勁歌總選多個獎項嘅Hubert竟強調，從來唔介意係咪做「星夢一哥」。

胡鴻鈞唔介意係咪同周柏豪平分男歌手獎。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。