每個人的性格都是獨一無二，然而並非人人都懂得接納包容。有網民透露，其就讀小學六年級、患有語言障礙的的兒子，受到同學排擠，無人願意找他寫畢業紀念冊，令這位媽媽心裏十分難過。
有家長在網上討論區「親子王國」發文，指長子今年小學六年班，「佢啱啱同我講同學開始互相寫紀念冊，但係無一個同學畀佢寫，佢話我不嬲被忽視果個架啦，」
資料圖片
港媽又問有無其他同學都無人邀請寫紀念冊，「佢好敷衍答咗一句有，再問佢，你有無唔開心，佢又話無」，港媽於是建議「我哋聽日不如去買一本，你都拎畀同學寫呀，佢死都唔肯，話唔洗唔要」。
港媽透露，兒子本身有言語障礙及理解能力比較遲鈍，性格內向、沉默寡言，因為表達能力不太好，由幼稚園至今都有社工、治療師跟進。她直言「個心好唔舒服」，於是請教網民我應該如何安慰兒子。
設計圖片
港媽坦言，「我一直都有幫佢去同啲同學相處主動啲，未有疫情時，我會買一包零食叫佢帶返去，小息請啲同學食，最後次次都帶返嚟。學校運動會，有啲家長無出席，我年年都會出席，我會買嘢飲小食請幾個同學仔呀，希望可以幫大仔建立一個好既關係，當然我無講，請你地就要同我仔fd，我無講呢啲說話，我話你哋最緊要開心一齊玩一齊食下野。比佢哋感受下」
有家長提議，「請老師寫畀佢」、「可否麻煩老師叫各位同學珍惜一下同學呢」。
設計圖片
但有人擔心「先了解兒子想法，驚動到老師很可能孩子不太願意，小六絕對需要自行解決問題，媽媽可以引導他主動，還是解決不到，最後才找老師。找老師給他寫也不是解決方法，因為孩子並不是想要寫，而是想有同學記得他，即使你找老師幫助令同學給他寫，根本也不是孩子真正所想要的！」網民建議，引導一下他做主動，「就當是小學生涯最後學和嘗試的一課！希望他能學會主動，可與他一起訂立派給哪些同學，但你要預有些同學可能不願意寫，但總會有10個8個，再少的也會有2個3個願意的，只要願意主動，不怕被拒絕，總會有收穫」
有家長反映無同學願意找兒子寫畢業紀念冊。Unsplash示意圖片
有家長都是過來人，稱「我小朋友都唔太主動，溝通一般。我覺得交朋友呢啲嘢好難迫。平日我都多鼓勵佢同學玩。咁佢覺得啱傾自然會揾，可能唔多，但朋友嘅嘢貴精不貴多。我覺得最緊要家庭畀到佢愛同關懷，家人先係一世。朋友嘅嘢，真係唔得都無辦法」、「你大仔直情同我細仔情況一樣。佢成日話自己係被邊緣。問佢有無唔開心又話無，佢小學六年老師對佢評語都係好靜好乖。我叫佢主動識下人，佢又好似唔想，小息鍾意坐埋一邊睇其他人，但呢啲嘢迫唔到...因為我讀書時都係內向，所以我明白佢。佢而家升中一好彩都識咗一個同學，起碼分組有伴。
帖文轉載自《聽完大仔講完，個心好唔舒服》
