網民更封193為「娛樂圈清泉」。
組合ERROR成員193（郭嘉駿）近日因被網民指「講真話」，人氣直線上升，更獲封「三哥」及「三爺」，而其Instagram追蹤人數今日（22日）甚至錄得20.5萬，撼贏MIRROR的「姜B」！
193的追蹤人數達20.8萬，繼續拋離姜濤。IG截圖
自從193寸爆無線（TVB）的言論一出，IG追蹤人數便由原本的8.9萬，立即飆升約二萬，之後更每天都有接近一萬人的增長，直逼「人氣王」姜濤，二人的IG追蹤人數在昨晚10時半就已打成平手，同有20萬追蹤。截至今早，193的IG甚至有達20.5萬的追蹤，超越姜濤的20.2萬，短短一周便能「上位」，實在非常厲害。
ERROR成員193（左）近日的IG追蹤人數撼贏MIRROR的姜濤（右）。資料圖片
193在IG Story多謝網民的支持。
193早前寸爆TVB「收視點得嗰幾百部電視機」、「佢哋係畀老嘢睇嘛」，又寸J2台的節目「冇記錯係咪40幾歲仲話後生仔傾偈嗰個」，他亦曾回應TVB自組「千禧五虎」，「而家仲用五虎呢啲字咁娘㗎咩？」率直言論獲大批網民大讚，更紛紛封他為「娛樂圈清泉」。
193透露這是他有史以來最高Budget的MV！
郭嘉駿193推出今年首支單曲《B出口》，其實是香港年青人的愛情寫照，表達了他個人的愛情觀價值觀，他透露歌曲demo是保錡介紹的，當時他聽到國語的demo就相當喜歡，有種失戀瀟灑漫步台北忠孝東路的感覺，他更希望如果成績好亦都可以出一首國語版本。
相關影片可以按以下畫面觀看：
影片連結：https://youtu.be/vljXJxvPArc?si=RrqBEOHMlP8fiwDW>
郭嘉駿193推出今年首支單曲《B出口》
他透露歌曲demo是保錡介紹的，當時他聽到國語的demo就相當喜歡（本網記者攝）
更希望如果成績好亦都可以出一首國語版本。（本網記者攝）
他認為愛情有很多出口，在愛情中很多人都認為要為了對方而改變自己的性格，他認為愛情不應該要改變，「人哋只不過變成你鍾意嘅形態而唔係真係鍾意呢個人，不如你去搵一個自己真正鍾意嘅人啦，呢個世界咁大個森林，咁多個出口！」B出口就是第二的意思，可以在愛情中有自己的第二個選擇，另一個出口！
B出口就是第二的意思，可以在愛情中有自己的第二個選擇，另一個出口！（本網記者攝）
由何啟華Dee首次操刀執導MV，他認為自己相當大膽，誠邀Dee導演加盟是出於同理心：「Dee每隔幾個月就話下首MV可以搵佢做導演，大家都係冇理佢，但大約係半年前，Dee再次提起做導演的時，當時ERROR 4個人都喺度，然後我目睹另外兩位隊友扮聽唔到，然後走咗，但我肯定佢哋係聽到！當時我就記錄在案，所以今次有MV拍就搵Dee大導合作。」
今次搵隊友何啟華Dee首次操刀執導MV
193透露其實一開始搵Dee都係有小小驚，因為Dee係「執著之鬼」驚佢over太多，因此今次MV搵咗好多Sponsor，亦是他有史以來最貴的MV，但是導演亦都不「滿足」，爆料指：「佢兩個禮拜前打電話俾我，話唔夠錢做CG可唔可以一人夾一半，且數字唔細，不過我就冇覆佢啦。」並表示Dee今次圓夢甚至貼錢做MV，因為Budget爆得好誇張，並自爆差不多使用過半百萬拍攝MV。
193透露其實一開始搵Dee都係有小小驚，因為Dee係「執著之鬼」驚佢over太多（本網記者攝）
193表示MV中有爆破場景、流血、擁吻甚至還有「水乳交融」。並表示爆破場景花費6位數字，但到現場卻感覺就是吹風機吹過一樣，而原來相當誇張的流血場景，最後亦都cut到只有小小血。更有之前與193合作舞台劇的吳海昕（Sofiee）加盟演出原來過程中曾換角，193透露：「本身MV係諗住搵另一個女主角，係一個20歲左右的台灣女生，但去到開會嘅時候，Dee表示想拍攝一個橫跨十幾年的愛情故事，個嗰女仔同我年紀差太遠，十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》大家都話我同佢好襯，所以唔使諗就係佢。」
193表示MV中有爆破場景、流血、擁吻甚至還有「水乳交融」
雖然花費咁多，但193沒有後悔搵Dee做導演，因為畫面確實唯美有意境，「係我想見到嘅嘢，相當有電影感與以往靚靚仔仔偶像劇感的MV完全唔同！」最重要的還是因為自己不用貼錢！
雖然花費咁多，但193沒有後悔搵Dee做導演，因為畫面確實唯美有意境。（本網記者攝）
Make up: Cori Wong
Hair: Harris Lai
Stylist: Lok Fong
Styling assistant: Stephanie Choy
Wardrobe: I.T., JMDH, HOAX
