一定好好笑！
由四位「凍齡女神」蔡少芬（Ada）、朱茵、陳法蓉及洪欣組成的女團「港普F4」，將首次合體拍內地真人騷《請吃燒烤的姐姐》。
網上圖片
四人相識逾20載，姊妹情深，Ada日前出席活動時，表示四人一直都有個共同夢想，就是合夥開店做生意，今次可謂在節目中實現夢想，不過節目還未出街，四人已「火」花四濺，當中Ada笑稱自己是「港普F4」中最年輕成員，自誇是「顏值擔當」，並嘲其餘幾位好姊妹才是「港普」，自己的普通話發音最正確。
Ada搶住認是團中的「顏值擔當」。
對於首次姊妹檔拍真人騷，Ada稱期待已久：「我哋關係太好，好到有啲爛，好驚火花一擦就燒着大家，因為我哋每個人性格都好獨特，平時我哋私下玩，都會有鬧交、唔開心嘅時候，所以我哋相識咁多年，一齊工作應該會有火花，不過會係好嗰方面。」
四個姊妹相識逾20載，終於合體拍真人騷。
Ada笑言大家各有所長：「我應該負責搞氣氛，好多時四個人一齊食飯，我都係主動啲、搞啲笑；朱茵就係笑吓掛住食嘢；洪欣比較多嘢講，但會由頭講到尾，我就會講『其實你講重點得』；至於陳法蓉博學多才，喺節目可以提出好多得意問題。」
左起：陳法蓉、洪欣、朱茵及蔡少芬組成女團「港普F4」。
