疫下開竅持續做運動 葉童鍛鍊身體為工作做準備

身體健康最重要！

葉童在ViuTV劇《無限斜棟有限公司》飾演盧慧敏（Amy）媽咪，拋棄了對方多年再重遇，雖然戲份唔多，但母女間感情好複雜，戲份少更難演。她大讚Amy做足準備演得好，又自謙冇資格提點一班年青演員。她又透露疫情下工作量大減，終於開竅持續做運動，身體變健康，為未來工作做好準備。

葉童出席《無限斜棟有限公司》開鏡儀式。

葉童飾演「陳家晞」（盧慧敏飾）母親「林詠梅」。

講到演繹今次角色，影后葉童竟話被考起，「幾複雜幾難演，因為篇幅少，但牽涉20年感情，再見返個女時係好複雜，都大挑戰，事前準備功夫要做得好，都有睇晒個劇本先去拍。」她又讚戲中囡囡Amy，「佢做得好好，有種清新感覺，佢對媽媽嘅掛念，好憎佢唔理自己感覺，佢都做到出嚟。」

葉童跟盧慧敏有不少感情戲。

講到提點新人，葉童竟然話：「我冇資格，梗係冇啦！每個角色都唔一樣，我又唔係佢個角色，我會輔助囉！都係老一派做嘅嘢，鏡頭見唔到都喺度，同佢交流番，感覺佢內心情緒未到，會同佢講多兩句我哋之間關係嘅內容。」

葉童坦承疫情令工作量大減，開始多做了運動，「上網睇做啲瑜伽伸展咁，坐得太耐覺得腰骨硬晒，好多年前我有做運動，有一輪停咗，再開始以為好易啫！我做過晒啦！但完全做唔到，又喘晒氣出晒汗，先發覺我曾經擁有嘅身體、機能、狀態，以為會一直擁有，原來係會消失，於是keep住做（運動）有大半年，依家覺得好舒服啲筋鬆番啲。」

葉童認為有健康身體，是做演員必須條件。

她坦言這是疫情最大得着，「疫情關係，同自己相處時間多咗，開始思考以前冇諗過嘅嘢，譬如：點樣對自己係負責任番啲呢？從前好多事都係得過且過，唔係對自己咁好，作為演員好似未認真對待我演員工作，好似身體鍛鍊咁樣，應該係演員工作嘅一部份，就算唔係開工都應該keep住個身體健康，柔軟度都係需要，但我從來都忽略，聽日有動作戲，今次先拉吓筋郁吓，成日都係臨急抱佛腳，應該係持久地進行，今次我忽然之間開竅，知道原來成為一個演員應該要做啲乜嘢，我希望堅持之下，令將來演出更加自如啲，更加好啲。」

日前葉童（中）出席客串新戲《濁水漂流》首映禮。

除了電影，葉童早前還參與舞台劇《死人的手機》。

高海寧睇到喊！

綜藝節目《無限超越班2》將於今日（23日）起、逢周六晚9點半翡翠台播映，節目由曾志偉擔任無限總經理，爾冬陞擔任總監製，吳鎮宇、寧靜和郝蕾擔任監製，韓雪擔任藝員部總監，並召集高海寧、黃齡、何洛洛、錦超、金莎、李菲兒、李明德、向佐、徐若晗、張棟樑等藝人，透過對經典港產影視題材的再度演繹，啟動演技和藝能比拼。

曾志偉擔任無限總經理。

爾冬陞擔任總監製。

吳鎮宇擔任監製。

寧靜擔任監製。

郝蕾擔任監製。

「高海寧其實有更多的可能性」
今晚播出的第一集，將介紹參賽藝人和展開首輪面試。講到最為港人熟悉的參賽者、非高海寧莫屬，現年37歲的她入行15年，最近憑劇集《新聞女王》飾演許詩晴一角爆紅，並奪得《萬千星輝頒獎典禮2023》「最佳女配角」，她透露參加節目目的：「剛入行時，大家都找我演嫵媚一點的角色，但是高海寧其實有更多的可能性等待發掘，我的可塑性也是很高的！」另40歲的香港演員向佐亦是港人較為熟悉的面孔。

高海寧希望可以發掘更多可能性。

高海寧希望可以發掘更多可能性。

向佐

葉童（左）、趙雅芝

黃齡「敲木魚」技驚四座
面試環節睇頭十足，除了有曾志偉、爾冬陞、吳鎮宇、寧靜和郝蕾坐鎮外，還邀來梁家輝、葉童和趙雅芝擔任客席監製。首輪面試將頒發8張紅卡，評審將根據藝人面試表現決定是否發放紅卡，而獲得紅卡的藝人在之後的環節將佔有優勢。當中以黃齡表現最為搶眼，有份演出名導王家衛作品《繁花》的她、自信心十足指自己是可造之材，更當着葉童和趙雅芝面前表演為《新白娘子傳奇》配音，除了一人聲演多角，就連敲木魚的聲音都扮埋，非常過癮。性格Chill爆的黃齡表現十分隨性，爾冬陞遂要求她嚴肅一點，原本笑笑口黃齡即時黑面：「我是可以嚴肅的。」爾冬陞再說：「我覺得你很輕挑。」黃齡再駁嘴：「我覺得你這樣判斷一個人，也蠻輕挑的！」雖然看似火藥味十足，但背後原來另有內情！

曾參演《繁花》嘅黃齡表演配音，場面搞笑。

黃齡同爾冬陞互窒開火。

此外身為影帝、影后的梁家輝和葉童亦有上場示範神級演技，兩人飾演一對老夫老妻，家輝手震震餵着飽受病痛折磨的葉童吃粥，兩人演技大爆發谷到涕淚縱橫，令在場一班學員看到爆喊，高海寧直呼被兩人位神級演技折服：「沒任何蘊釀直接入戲，有被驚訝到！」

梁家輝如葉童大晒神級演技。

梁家輝如葉童大晒神級演技。

高海寧睇到喊，坦言被兩位神級演技折服。