睇電視見張繼聰上《勁歌金曲》 囡囡大嗌6次Daddy冇反應爆嬲

謝安琪表示有排氹。

張繼聰激嬲囡囡，好慘又好好笑。

謝安琪為囡囡張靖（Karina、Kakaball）開咗 IG account專放生活片段，昨日新片上架，只見Kakaball嬲爆大叫6次「Daddy」，Kay留言：「Daddy is bad, he didn t hi back」，原來冇同囡囡Say hi嘅張繼聰喺電視入面上緊《勁歌金曲》！

Kakaball不斷呼喚阿聰。

得唔到回應，眼神好凌厲。

不過Kakaball一於少理，七情上面嗌完一餐，得唔到回應之後更走到電視前叉腰望實爸爸！可愛又搞笑的舉動笑爆一眾網民，「簡直有種坐喺紅館山頂位，要嗌到台上嘅歌手聽到嘅聲嘶力竭」、「kaka嬲咗好大獲（鑊）」。阿聰之後也在IG表示：「今次好大鑊，有排氹（𠱁）......」，而Dear Jane主音Tim及老婆楊洛婷都笑爆表示有相同遭遇。

原來阿聰上緊《勁歌金曲》。

Kakaball嬲到雙手叉腰。

阿聰在IG表示：「今次好大鑊，有排氹（𠱁）......」

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！