*

演舞台劇《聖荷西》圓心願 田蕊妮唔怕同電影版比較

阿田指舞台劇同電影版好唔同,比較忠於原著版本。

田蕊妮(阿田)去年離開TVB後重獲自由,唔使日日以電視城為家,阿田形容𠵱家狀態輕鬆咗,可以接喜歡嘅Job,而她最期待係即將上演嘅舞台劇《聖荷西謀殺案》。當問到有冇睇返TVB劇集時?她大笑避談:「好得意,真係唔知點解屋企係收唔到翡翠台訊號!」在旁的潘燦良打圓場附和:「我同你一樣,只睇到J2台!」

潘燦良係田蕊妮偶像,溫玉茹係潘燦良師妹,呢個組合令阿田重拾演舞台劇信心。

舞台劇《聖荷西謀殺案》將於4月30日起喺演藝學院上演13場,可以同偶像潘燦良、喜歡嘅編劇莊梅岩、監製朱仲銘及導演甄詠蓓合作,阿田興奮到yeah咗出嚟,但喺疫市下開舞台劇遇上好多阻滯,心情如同坐過山車咁,既驚又喜,有失望過,好怕完唔到心願:「有晚甚至約埋劇組打邊爐,諗住開心咁『道別』就算,期間我好唔甘心講咗句:『我覺得呢個角色(Ling)根本就係我,好想成件事玩到出嚟!』因而感動到在場人。

- 閱讀更多 -

往下看更多文章