家棟同古仔不斷為電影度笑位。
兩大影帝古天樂與林家棟近年合作無間，他們在新作《金錢帝國：追虎擒龍》齊齊化身打擊貪污的廉政公署調查員，家棟指今次將會與古仔有較多對手戲，由於劇情充滿剛陽味，兩人不斷為電影度笑位，務求為角色增加喜感，家棟說：「有場戲同古仔say hi，大家眉來眼去，但純粹玩！現場嘅同事都喺度笑，食早餐戲就拎走隻碟，成日咁玩，我哋慢慢建立咗呢種默契。」
林家棟指今次將會與古仔有較多對手戲。
家棟在電影中有不少動作戲份，有場戲更要被100多名臨時演員追打，導演想呈現出困獸鬥的感覺，負責武術指導的伍允龍設計了一個動作場景，要家棟踢向武術演員頭部，然後對方再撞爆玻璃，家棟表示：「我着住皮鞋，現場類似工地環境，最大壓力係我踢人個頭，我撞玻璃反而唔驚喎！佢（武術演員）撞玻璃我先驚。」
林家棟與古天樂在《金錢帝國：追虎擒龍》再度合作，家棟在戲中要被100多名臨時演員追打。
《金錢帝國：追虎擒龍》由王晶、許悅銘執導，集合了古天樂、吳鎮宇、林家棟、鄭則仕（Kent哥）、梁家輝五大影帝。拍戲多年的家棟指與各影帝合作，勾起了不少回憶：「我同Kent哥太太係無綫訓練班嘅同班同學，大家都幾老友；當我望住鎮宇，我就諗起，拍《笑傲在明天》我打佢；我同古仔都成日合作，之前又同家輝合作《追龍II：賊王》，感覺幾得意。」
林家棟在電影中有不少動作戲份。
家棟直言自己與古仔經常即興演出，而當中有份參演的「晶女郎」常鈺詞亦是玩得之人，拍攝過程相當搞笑，「有場戲要向佢（常鈺詞）表露身分，又要扯佢頭髮，但佢個頭好似冇洗過，導演又未叫cut機，我哋行埋去同佢講：『你知唔知你啲頭髮影響我哋今次行動！』現場工作人員個個都喺到騎騎笑。」
林家棟與古天樂不斷為電影度笑位，為角色增加喜感。
