處女碟宣傳被吳業坤放飛機 谷婭溦：買10張就原諒佢

坤哥抵罰啊！

星夢歌手谷婭溦（Vivian）今日（28日）到太子某影碟舖為首張個人專輯《哭牆》宣傳，除了「星夢娛樂」行政總裁何麗全親臨支持外，其表姐胡曦文及眾多TVB藝人均現身撐場，包括翟威廉、羅天宇、林淑敏、許家傑、楊卓娜、趙希洛、胡蓓蔚、黃子恆，以及曾參加ViuTV選秀真人騷《全民造星III》的旨呈等，認真墟冚。

Vivian今日到影碟舖宣傳首張個人專輯《哭牆》。

Vivian獲眾多TVB藝人現身撐場！

Vivian自爆活動前已喊花妝容，因見表姐也來打氣，對方知道自己一路行來不易，「專輯原定2019年推出，唱片封套於3年前拍攝，加上公司大變動，出碟日子不斷延期，我係好缺乏安全感，而家終於出碟，好感動。」並謂身在北京的爸爸亦買了100張唱片支持。

Vivian為歌迷簽名。

提到原本答應出席的吳業坤（坤哥）因有工作而突然甩底，Vivian笑罵：「嬲佢一世！又話會攝時間來，講大話！（罰坤哥買幾多隻碟？）疫情下大家艱難，如果買10張就原諒佢啦。」

吳業坤

坤哥因有工作而缺席Vivian處女碟宣傳，後者笑罵：「嬲佢一世！」

此外，天宇早前跟Vivian為劇集《香港愛情故事》合唱片尾曲《哭牆》，由他親自拍攝和剪片的MV獲13萬點擊，是其最多人點擊影片，但天宇謙稱：「我唱歌有障礙，現時跟幾位老師學唱歌，改善咬字和發音。」

Vivian見表姐胡曦文（左）也來支持，十分感動！

Vivian早前跟天宇為劇集《香港愛情故事》合唱片尾曲《哭牆》。

天宇自稱唱歌有障礙，現時跟幾位老師學唱歌，改善咬字和發音。

天宇親自拍攝和剪片的《哭牆》合唱版MV，獲13萬點擊。

8強選手將聯乘8位歌手合唱，爭奪最終殺入決賽的7強名額

歌唱真人騷《香港何濟公止痛退熱散呈獻：中年好聲音 2》，17日9點翡翠台播出，節目由車婉婉擔任主持。本集是最終樂章．第二回《決賽前哨戰！歌手助力賽！》，8強選手將聯乘8位歌手合唱，爭奪最終殺入決賽的7強名額，此回合繼續有肥媽、伍仲衡、張佳添、周國豐和陳慧嫻擔任評審。17日晚一集最亮眼選手是古淖文！淖文與「恩師」谷婭溦合唱《Bad Boy》，兩人以型爆黑銀Look上陣，溦溦大玩透視誘惑晒小背心，非常惹火！兩人High爆跳唱《Bad Boy》引爆全場氣氛，婉婉更笑言兩人像「麻辣火鍋」，最終兩人獲得95分佳績，平了大魔王安雅希創下的95分紀錄，表現亮眼。對於淖文的演出，伍仲衡說：「你好屬於舞台，你係今屆加埋上屆One of the most壓台，點解未畀到19分？因為我覺得未夠曳！」給了滿分20分的陳慧嫻笑言：「伍sir你後知後覺啦，我一早話咗佢係巨星嚟。」

古淖文、谷婭溦嘅《Bad Boy》真係冇得輸。

谷婭溦開心到飛撲古淖文。

伍Sir叫淖文要再曳啲。

陳慧嫻繼續讚淖文係巨星。

與林志美合唱《我要我們在一起》的黃劍文同樣表現亮眼，劍文今次非常聽話唔再揸結他，解放盤骨晒舞功，劍文與林志美邊唱邊跳舞，甚有舞台劇感覺！伍仲衡說：「基本上你唔係唱歌，而係演緊戲，我係覺得你同我心靈講緊嘢，你畀我見到一個全新面貌嘅黃劍文，我好享受成個表演。」周國豐亦大讚：「我冇見過你跳舞，但又OK喎，完完全全係一個高水準表演。」最終劍文憑住出色表現首度獲得MVP，愈戰愈強！

黃劍文唔玩自彈自唱，轉玩跳舞都有啲料到！

伍Sir話好似睇緊舞台劇咁。

周國豐話估唔到劍文跳舞都ok。

黃劍文首度獲得MVP。

陳俞霏亦迎來大爆發，她與王馨平以黑白雙煞造型上陣合唱《多得他》，兩人一唱一和非常合拍，俞霏的老公亦有到場支持太太，非常有愛。最終俞霏獲得90分佳績，張佳添大讚：「你個頭開得好好，能量好好，兩個把聲黐埋係一種好strong嘅女性能量，你今次係喺我心目中最好一次嘅表現。」對於能夠和王馨平合作，俞霏十分感激對方照顧，她哭着說：「大部分人覺得我係蒸生瓜（唔夠成熟），馨平老師畀到好大動力我，一次又一次鼓勵我，好難得有一個前輩咁樣去幫一個後輩，每一句鼓勵都係溫暖緊我。」劉威煌與彭家麗合唱《煩》，來到準決賽威煌竟然膽生毛挑戰唱Rap，可惜最終唔work，伍仲衡說：「有咩理由semi final試新嘢，你嗰段rap係令我更加扣分，唔好喺比賽嘗試唔擅長嘅嘢！」最終威煌僅獲82分，在累積排名榜包尾，8強止步。

陳俞霏（白衫）同王馨平合唱《多得他》。

陳俞霏老公（右）都有到場支持

陳俞霏爆喊感激王馨平嘅鼓勵。

張佳添大讚陳俞霏嘅演出。

劉威煌玩新嘢出事，無緣決賽。

《中年好聲音2》7強名單最終如下（排名不分先後）：安雅希、陳俞霏、黃劍文、譚輝智、古淖文、顏米羔、沈宗賢

7強名單出爐。