樓價高企加上公屋長年供不應求,坊間甚至衍生出獲派公屋是人生贏家的説法,有網民於是想知「有得揀有能力,係咪真係都會揀住公屋」。

「連登討論區」網民發文指,「以前聽好多人講,住公屋就係人生贏家,自己住個陣都冇咩感覺,因為冇可比性。但搬左出黎先知其實鄰居質素真係差好遠」

資料圖片

資料圖片

網民形容,有精神疾病患者在公共屋邨成為基本情況,「唔住係你附近係你好彩」,私樓雖然並非無精神疾病患者,但機會相對低好多。網民又指,私樓「唔會咩人都可以入到你幢樓」,「其實連衛生都係,係公屋幾乎日日見到𨋢入面有垃圾,走廊成日有食物漬,後樓梯一定搵到啤酒罐」

資料圖片

資料圖片

網民認為,「雖然公屋租好平,但係換嚟嘅條件都差好遠,有朋友以前都想置業,但最近拎到公屋,佢話冇哂壓力好爽,應該一世唔會搬」。

有網民留言指社會對公屋戶本身帶有負面印象,「交友APP 啲女一知你知住公屋就失蹤」。有人認同公屋品流複雜,「貧窮,迷信,殘疾,疫症,精神異常,長期病患,吸毒,爛賭,援交,酒精上癮,老人,童黨,邊青,黑幫,失業,失學,低學歷,低技術,新移民,罪惡。公屋就係政府一次過將所有問題集中嘅地方」。

公屋 資料圖片

公屋 資料圖片

有公屋居民更具體地透露苦況,「以下為半夜12點至早上10點發生:鑽牆、揼野、拉移木傢俬。以下為夜晚8點至3點發生:女童瘋狂尖叫+喊(家暴)、唱K、打機歡呼聲、board game party歡呼聲、睇鬼片尖叫聲、地下玩波子。去投訴係無用,報警都係無用」

網民質疑如果有能力的話,是否仍然會揀公屋居住。示意圖片

網民質疑如果有能力的話,是否仍然會揀公屋居住。示意圖片

有人則認為無法比較,「開支上公屋一定贏,問題係私樓個門檻太高,唔係公屋仔輕易跨越的距離,所以無咩好比較」