許廷鏗踏入33歲自在知足 欣宜送墨西哥卷蛋糕賀老友

今日是許廷鏗（Alfred）的33歲生日，他在IG上載照片，相中嘅佢喺搭正凌晨12時嘅鐘下面，擺出興奮的表情，他留言：「踏入33，可從心講一句，這個歲數的我，好開心、好滿足、好自在、好知足、好惜福、好感激，收到大家的厚愛，我希望不是錯愛，這一年將所有願望分享給我愛的人。」

Alfred與搭正凌晨12時的時鐘合照，慶祝自己33歲生日。

Alfred與林欣彤（Mag）及鄭欣宜（Joyce）老友鬼鬼，老友生日當然要留言湊熱鬧，林欣彤說：「生日快樂，我會繼續做你搞笑方面嘅死fan屎。」Joyce則回應：「唔好呀！」之後Alfred搞笑回應：「我要檢舉這個留言（Joyce）。」

Joyce送了一個墨西哥卷餅形狀的生日蛋糕給Alfred。

至於與Alfred合稱「異父異母低能巨孖寶」的Joyce昨晚亦為壽星公準備了一個墨西哥卷餅形狀的蛋糕慶祝，她留言：「祝這位中等樣貌的怪人有一個OK的生日！」

Joyce笑言Alfred是中等樣貌的怪人。

Joyce又分享多張照片，相中Alfred捧着生日蛋糕，笑到見牙唔見眼，恍如拍牙膏廣告一樣，之後又有二人擺出搞怪樣子的合照，最後Joyce附上一張二人8年前的合照，只見她們高舉拇指，開懷大笑。

Joyce與Alfred合稱「異父異母低能巨孖寶」。

好友林欣彤時留言指最後一張照片很好笑，Joyce回覆指當時Alfred正模仿一個人，又叫對方猜是誰，認真鬼馬！

8年前拍攝的舊合照。

Joyce其後再分享IG限時動態，片中她問Alfred在做什麼，Alfred說：「我哋啱啱拍咗一段驚世鉅著，大家密切留意！」近年愛上拍片分享生活的她們，看來又有新搞作，令人期待。

Alfred表示剛剛與Joyce拍了一段驚世鉅著，叫粉絲密切留意。

Joyce送蛋糕為Alfred慶生，二人拍片透露會有新搞作。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。