亞姐打鼓為拳擊節目做勢 林寶玉晒腹肌張可盈最「澎湃」

6位亞姐打鼓為ATV拳擊節目做勢。

正當TVB用9大綜藝節目力戰ViuTV時，原來亞視都默默起革命，除籌備拍新劇外，還每月一次直播拳擊節目《KF 1百萬拳王》，由6位亞姐蔡小蝶、范莎莎、林寶玉、張可盈、何雙妍及高文君為節目表演打鼓，務求為亞視打出聲勢。操出馬甲線的林寶玉封為「女拳王」；34E張可盈最「澎湃」成為全場焦點，33B嬌小范莎莎亦笑言唔敢企佢隔離！

(右)林寶玉、何雙妍、范莎莎、高文君、張可盈、蔡小蝶成班大細路咁，玩得好投契。

6位亞姐為亞視拳擊節目《KF 1百萬拳王》打鼓助威。

《KF 1百萬拳王》由麥長青主持，6位亞姐為拳手吶喊助威，打開拳嘅33C林寶玉大晒腹肌，並被選為節目特刊嘅封面女郎，當日6位亞姐接受本報訪問時，她還即場教張可盈修腹秘訣。

(右)蔡小蝶、范莎莎、張可盈都幾鍾意拳擊師傅吳嘉晉(咖哩哥)。

林寶玉Keep住有做運動，但因為之前工作過勞，加上打鼓觸及舊患令韌帶撕裂要睇急症：「嗰日成個人跪咗喺度，要人扶住坐上輪椅，連呼吸都痛，最後停工一周瞓牀。」不過，講到靚仔拳手，林寶玉就開心返：「我睇中師傅吳嘉晉(咖哩哥)，佢個樣一啲都唔惡，好正氣，我好似小粉絲咁，會為佢歡呼！」在旁的范莎莎即舉腳贊成說：「我鍾意大隻肌肉型男，佢哋keep到身形，證明對自已有要求，生活有規律。」她自爆有3個以上追求者，但目前事業為重，問到現階段係咪只「收兵」？她秒回：「Just friend！」

打開拳嘅林寶玉經常大晒腹肌。

林寶玉早前因為韌帶撕裂要坐輪椅去睇急症。

至於「最佳完美體態」獎張可盈表示以前好肥，就算減咗30磅，上圍變化唔大，仲話身材太勁都影響打鼓，范莎莎即取笑她打鼓時有回彈力！另32B何雙妍唔夠體力，打鼓時成日企唔穩失手；而蔡小蝶最怕血腥，見拳手受傷會驚到喊埋一份；高文君話打鼓可以減到「拜拜肉」。

張可盈擁有34E上圍，見她出盡全力打鼓，身材最起伏。

曾三戰港姐嘅范莎莎「細細粒」勝在夠可愛，所以有唔少男仔追。

2020年亞姐冠軍蔡小蝶，因嫌棄港姐合約困身而轉戰亞姐，三圍32B、25、33勝在夠平均。

經過一輪精彩比賽，賽果由12歲Faye(潘祉晴)以出色表現大熱嬴得「全場總冠軍」、18歲的性感Hannah則奪「最佳髮型大獎」

「徐濤專業模特兒學校」主辦《國際超級模特兒大賽2024》已於7日 假尖沙咀唯港薈酒店圓滿舉行，進入昨日總決賽的參賽模特兒共有61位之多，比賽分為兒童組、青年組及成人組，參賽年齡由兒童組的2歲至成人組38歲，賽項分別為：才藝表演、晚裝catwalk、成人組泳裝，各位參賽者水準相當高。

而評判團全屬重量級人馬，包括：國際名模教母徐濤老師、模二代高靖小姐、國際美容健康總聯合會創會會長彭玉玲博士、國際教育認證聯盟執行主席李禮廷先生、貝安琪小姐、林寶玉小姐、星級導師Melinda、Nelson Poon及國際級模特兒Jeff、Ronn、Liza、Tanyar。

（左起）高靖、馬來西亞星級導師Melinda、徐濤、林寶玉、貝安琪

經過一輪精彩比賽，賽果由12歲Faye(潘祉晴)以出色表現大熱嬴得「全場總冠軍」、18歲的性感Hannah則奪「最佳髮型大獎」；成人組則由17歲Deniz奪得冠軍、26歲Rita亞軍、20歲Erika連捧兩個獎季軍及「最佳身材大獎」；青少年組由11歲Abby Tai冠軍、而15歲Oscar及10歲Jya Chyen 成為雙亞軍、9歲Puccini及11歲vivi jade也成雙季軍；兒童組則由只得4歲Onyx 張芷維以超cute台風成為冠軍、4歲半的可愛Lyvia奪亞軍、8歲Gemma及6歲Quinton何鈞皓成為雙季軍。

兒童組冠軍 Onyx 張芷維

青少年組季軍vivi jade

成人組冠軍 Deniz

成人組季軍Erika 劉芷而

成人組季軍最佳身材大獎Erika劉芷而

成人組亞軍Rita 張宇萌

12 歲Faye(潘祉晴)曾參與多個品牌兒童時裝騷，榮獲多個獎項， 其中包括「2023 年第三屆香港網絡人氣兒童模特大賽」榮獲第二名，另外曾參與多個時裝騷：日本時裝節 Gucci、 廣州時裝節Dior、深圳時裝節、泰國時裝節等，為國際名模教母徐濤老師得意門生，更曾公開讚揚Faye為她的未來接班人，今次勇奪全場大獎「全場總冠軍」實至名歸！

全場總冠軍 Faye Poon

全場總冠軍 Faye Poon

徐濤老師與24歲大女兒高靖、貝安琪及林寶玉擔任評判，而12歲兒子Henry Caddick亦有份上台行Catwalk，他坦言很享受行Catwalk時被燈光照射的感覺。而今日(8日)為徐濤的正日生日，生日願望身體健康，不要再有地震為台灣祈禱，同埋：「我個仔學業進步，他在國際學校讀緊小六，科科滿分。」而女兒高靖則在美國的大型屏幕刊登生日廣告牌。

徐濤與女兒高靖、兒子Henry Caddick

徐濤與女兒高靖、兒子Henry Caddick

「國際超級模特兒大賽2024」總決賽勝出者，有機會贏取總值一百萬元獎金及獎品，包括：一萬元現金獎、巴黎來回機票、巴黎及日本時裝週演出機會、五年模特兒合約，而只要進入總決賽的參加者均可獲得免費專業模特兒攝影。

得獎名單：

「全場總冠軍」Faye潘祉晴 (12歲)

「最佳髮型大獎」Hannah (18歲)

「最佳身材大獎」Erika (20歲)

成人組：冠軍Deniz (17歲)、亞軍Rita (26歲)、季軍Erika (20歲)

青少年組：冠軍Abby Tai (11歲)、亞軍Oscar (15歲) 及Jya Chyen (10歲)、季軍Puccini (9歲) 及vivi jade (11歲)

兒童組：冠軍Onyx張芷維 (4歲)、亞軍Lyvia (4歲半)、季軍Gemma (8歲) 及Quinton何鈞皓