有網民表示「其實禮金都係拎個意頭」。
結婚本來屬人生喜事，惟男女兩家人因禮金及酒席問題而鬧不快屢聽不鮮。近日有女網民於討論區分享指，準姊夫指願意付19,888元作禮金，並稱其親友結婚時亦付相同的金額，令女網民感不滿，「而家公價係呢個數」？
GETTY圖片
該女網民於「親子王國」討論區發文指，母親與未來姊夫商討禮金時，他指願意付19,888元的禮金，並稱其親友結婚時，同樣是此金額水平。母親聞言後已答應，惟樓主感不滿，「我覺得有冇搞錯，而家公價係呢個數」？
GETTY圖片
樓主續指，準姊夫月薪逾3萬元，不過姊姊一直未有就禮金問題表態，指「禮金不關她事，等我媽決定」。樓主坦言並非要求男家支付高額的禮金，「只需3萬幾都可以」，無奈母親不敢拒絕他人，亦深怕得罪未來女婿，才勉強答應。
設計圖片
帖文引起網民熱論，不少網民認為禮金沒有「公價」，只取「意頭」，因此不應過於計較，「其實禮金都係拎個意頭，我覺得呢個數差唔多」、「呢啲嘢冇公價，睇餸食飯」；亦有網民指男方月薪逾3萬，卻只付約2萬的禮金，屬無誠意，「呢個價錢係好無誠意，如果普通人家，自己2至3個月嘅人工比較適合」、「以佢人工，係畀得少呀」。
月薪逾3萬準姊夫提$19,888禮金，令妹妹感不滿。unsplash圖片
資料來源：親子王國
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
