近年幼稚園家長對子女要求越來越高。
幼稚園本應是小朋友無拘無束的快樂童年，不過近年在躋身名校、望子成龍的催谷心態下，不少家長已經要求，幼稚園學童已經要練成「十八般武藝」。
資料圖片
一名女網民在網上討論區「親子王國」發文，因為要代家人照顧一名3歲小朋友，所以加入了私立幼稚園家長聊天群組，子女9月升讀K1的家長們「成日分享小朋友做過咩。原來而家升K1已學加數，中文寫句子，英文串生字。」網民大為不解，稱「駛唔駛啊，3歲未到喎。成日話香港教育好癲，我覺得家長癲啲⋯⋯」
資料圖片
有家長感嘆，「我個仔而家K1細B, A-Z都未識得晒，應該係怪物」、「我囡升小一時，26個英文字都未識晒」。
資料圖片
有人更指，「你去睇下PN學前預備班（Pre-Nursery）學緊咩中英文字仲驚，睇啲書」字已經同成年人一樣」、「噚日搭西鐵見到有個阿媽同個幼稚園頂多K2小朋友拎住本書溫英文，聽到佢教個女He She It 用is,心諗依家幼稚園咁快學到呢啲咩，點知佢落車前收埋本書，俾我見到本書原來係小二嘅樂思英文補充，我即刻O晒嘴」、「因為依家啲名小學考嘅嘢越嚟越深，家長如要考上不得不配合，真係好crazy 。」
不過有人覺得，「如果小朋友學得開心, 教下無妨... 」、「如果小朋友鍾意學習、又受教，我會比佢學，但盡量一日只學一種課外嘢（唔想overload大人同小朋友），希望大家都enjoy過程，唔好覺得辛苦之餘，可以持續發展該興趣。」
帖文轉載自《而家幼稚園家長原來咁癲》
近年幼稚園家長對子女要求越來越高。網上示意圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
