爆老公係豬隊友 車婉婉：幫唔到湊仔

點解唔係老公出廳瞓？！

車婉婉早年以42歲高齡，為其中澳混血兒老公Jonathon誕下兒子Justus Quinlan（BBQ），並不時於社交網以「高齡日誌」為題分享育兒經，轉眼已5歲大，但原來身兼高齡媽媽外，她家還因文化差異，老公似幫不了湊仔。

網上圖片

觀看相關影片按以下畫面：

婉婉作客TVB節目《日日媽媽聲》昨晚（1另一）播出，大爆老公是「豬隊友」，她先以「朋友」為例子，在幫BB沖涼時有多手忙腳亂，BB搽油時，或會濺少許在地氈及床單，卻被有潔癖的老公做出一臉賺棄表情。

車婉婉與3位主持羅敏莊、余安安和陳凱琳。

婉婉好羨慕安安前輩真係好Fit。

然後，婉婉開名講老公，陪月是她自費請，每日幫12小時沒陪夜，老公從沒幫手餵過夜奶，但仍嫌母子嘈，她一怒之下抱B出廳瞓梳化，做了廳長一整年，隨即被3位主持指她為何不是老公出廳瞓？主持余安安更直指她才是「豬隊友」。

車婉婉被反指才是豬隊友。

問到老公幫到甚麼？婉婉謂精神上好支持，跟住再爆生完之後要去澳門做MC工作，她只需老公幫一樣事情，就是帶BB回家睡覺，並在酒店安排車送父子去碼頭，但老公卻自己上了的士，還遺失了為BB準備的隨身行李。不過婉婉仍是很體諒老公，「第一次做爸爸嘅男人，唔係想豬，但冇咁嘅經驗，佢自己都係BB嚟。」

老公唔幫手餵夜奶，仲嫌母子太嘈，車婉婉氣得抱仔出廳瞓足一年。

相隔23年再度「同車」，車婉婉難忘與馬明首度合作趣事：真係全日粒聲唔出

由徐正康夥拍新鮮人陳萍April擔任監製、麥世龍擔任編審的《妳不是她》，1月12日八點半翡翠台播映大結局，雖然全劇最大懸念「平行時空」經已揭盅，但據知結局依然有反轉位。11日林信（丁子朗飾）驚揭身邊的夏莉（馮盈盈飾）並非原本認識的夏莉，二人為此發生激烈爭執。12日晚二人經歷連串拉鋸及爭吵後，將作出一個令人意外的決定，密切留意！

幾經波折嘅夏莉同林信，原本已經和好如初咗。

不過因為林信意外發現咗夏莉部7G電話，令二人再度情海翻波，到底林信最後會點揀？原夏莉嘅故事又會點發展落去？密切留意大結局。

11日晚，全劇最大彩蛋馬國明亦終於登場，飾演的士司機馬明的他，劇中主要任務是與飾演林善的車婉婉發展姊弟戀。搞笑的是，現實中升呢人夫不久的馬國明，在劇中自稱單身兼性格「好鬼悶」之餘，又大談擇偶條件及兩性相處之道：「做女人唔使成日都咁Tough，唔使吓吓都死頂，間唔中流露番少少女性溫柔，需要膊頭咪開聲咯。好多男人見到太強嘅女人，佢哋就縮唔敢追架喇」、「唔係每個男人都鍾意小鳥依人嘅，我就唔鍾意湊女喇，我鍾意啲女人係成熟啲，有自信啲，兩個人相處最緊要夾唔夾。」

馬國明以「真名」上陣演的士司機，勁有代表性。

車婉婉形容呢一段關係係「倒後鏡之戀」。

馬明演暖男真係啱晒數。

車婉婉見到以前可以一日唔講嘢嘅馬明，突然變得今時今日咁talk得，相信一定覺得好Funny。

馬明喺劇中大談兩性相處之道。

齋睇表面證供，馬國明繼《新聞女王》再於《妳不是她》中與婉婉正面交鋒看似甚有淵緣，原來二人緣份早於23年前經已啟動！現正忙於演唱會綵排的婉婉，百忙中抽空受訪時透露原來與馬國明於2001年拍攝《不必剎掣》MV時已首度合作，當年二人除了同樣飾演情侶，馬明亦巧合地在MV中飾演司機，二人相隔23年再度「同車」，可謂別具意義；婉婉更對昔日的馬明近乎有讚冇彈，並笑指當年的馬明可以「全日唔講嘢」：「我同馬明都真係有特別緣份，當時拍嗰隻MV時，我覺得呢個男演員好斯文，全日冇講過嘢，全日呀吓，拍咗一日架！同埋佢又高啦，樣又靚仔，身形又好，所以我對佢有好深刻印象。後尾佢愈嚟愈紅，我就發現佢原來都幾活潑同幾好笑，但已經冇機會再合作。估唔到一直去到最近，又突然連續同佢有番合作，仲有對手戲添，所以好開心，好有親切感。」

馬明今次為咗力撐新進監製，幾忙都勁爽快地一口答應客串演出，圈中出名嘅好好先生，果然名不虛傳。

據知馬國明是次答應客串馬明一角，全因為了支持新進監製April，更是百忙中抽出空檔拍攝，絕對是有情有義代表。其實April與馬明亦相當有緣，二人先後於《白色強人》系列及《降魔的2.0》中合作過。