*

下月榮升做婆婆 余安安停工專心迎乖孫

余安安最近首度為TVB新節目《日日媽媽聲》出任主持,拍住羅敏莊和陳凱琳齊齊同圈中媽媽分享心得,雖然跟兩位拍檔初次合作,但安安姐覺得大家出奇地有默契,合作得非常愉快。提到下月將第一次榮升婆婆,安安姐既興奮又擔心,所以錄影完該節目後,會專心迎接乖孫出世才接新工作。

安安姐坦言任主持初哥,習慣演戲不能望鏡頭的她,要適應望住鏡頭講嘢。

安安姐雖然跟羅敏莊及陳凱琳初次合作,但出奇地有默契。

安安姐收到曾志偉和王祖藍邀請後,認為節目很適合自己做,所以接受挑戰,「個節目元素真係幾啱我做,所以佢哋一搵我係幾鍾意,我又未做過主持𠻹,挑戰吓幾得意,又唔算有太大壓力,始終自己做咗咁多年媽媽,喺做媽媽嘅所有過程,同埋湊細路仔都算叫做有經驗啦,都可以有好多嘢可以分享。」

- 閱讀更多 -

Tags:

往下看更多文章