買二手居屋須小心謹慎,否則不但無法上車甚至血本無歸。
一個經常分享居屋買賣知識的Youtube頻道近日分享一個案例指,一名女士因決定購入一個620萬的豪裝居屋單位,按揭時銀行派員上門評估後,發現單位裝修涉非法改建,故拒批出按揭。該名女士最後連同訂金及佣金,合共損失達74.4萬元。
資料圖片
YouTube頻道「叻媽教室 |SuperMaMa Classroom」分享一個案例,指一位女士今年物色樓盤時,看中了一個豪裝居屋單位,業主於5年前花了50萬裝修,將廁所和廚房位置對調,而廚房則改成開放式設計。該女士看到單位後,相當喜歡其裝潢,在經紀游說下,雙方同意以620萬交易,並簽訂合約,支付細訂62萬元。
港女620萬買豪裝居屋涉非法改建,銀行拒批按揭。資料圖片(細圖為叻媽教室 影片截圖)
惟女士到銀行申請按揭時,銀行職員發現該單位價格較近期成交為高,故安排估價師上門再作評估。結果估價師上單位視察後,發現單位改動較大,工程又無向屋宇署申請,與單位圖則不符,最後銀行拒絕批出按揭,並指即使向其他銀行申請按揭,都會被拒批。女士當下只能支付全數金額,否則便要撻訂。
視頻截圖
女士曾向業主要求退訂不果,經紀亦表明即使無法成交,都須支付雙方佣金。最後,她諮詢律師意見,對方則指,因單位的改動屬大工程,而且買家曾上門睇樓,相信已發現單位改動,因此難以證實業主和經紀有刻意隱瞞。最終,女士除了62萬訂金外,還要支付雙方共12.4萬元佣金,合共74.4萬元。
設計圖片
而業主被按揭銀行揭發有非法工程,通知政府相關部門後,要求他於指定時間內,將廚房及廁所位置按圖則調回去。
頻道主持人叻媽提醒,購買二手居屋時,要注意原有圖則及單位有沒有非法改裝,業主也應留意裝修項目是否合法,否則會影響未來出售。
資料來源:叻媽教室 |SuperMaMa Classroom
港男揭其任職會計師的姐姐,因連續工作68小時,過勞暈倒入院,更疑對方患上思覺失調而做出瘋狂行為。
示意圖片
女會計師連續工作68小時,過勞暈倒送院
該港男於連登討論區以「家姐做會計做到入醫院」為題發文,表示其任職會計師的姐姐因長時間工作,導致嚴重睡眠不足,而過勞暈倒入院「連續工作68小時,一星期夾埋只瞓8個鐘,執定啲衫去公司住三個星期,最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係,而患上思覺失調,指對方精神失常,經常做出種種瘋狂行為:
「有次佢食飯發現自己食咗七分鐘,佢唔開心到爆喊,因為平時食三至四分鐘就食完,佢覺得浪費咗三分鐘,之後佢就好討厭食嘢而家勁瘦」
「佢而家為左慳時間一日淨係食一餐,其他都係咁食啲有營養嘅嘢,例如豆漿當一餐」
「有次佢腸胃炎,佢直接搬張枱同電腦,去廁所一邊屙屎一邊做嘢」
示意圖片
弟弟警世:唔好做會計
樓主透露姐姐並非在知名的四大會計師事務所(BIG 4)工作,而是在其他公司擔任會計師,但工資並不算高。姐姐入行後期望能夠在幾年後輕鬆一點,但卻因工作量過大,最終令身心健康造成嚴重影響。他又對勸告應屆考生不要入行「奉勸各位DSE生,唔好做會計!」
示意圖片
網民勸:辭工休息吓,再轉行
帖文引熱議,不少網民建議樓主勸姐姐辭職「如果喺真事⋯我覺得叫你家姐辭工休息吓,再轉行」、「我都係咁話,辭職,命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下,抖一排再重新出發」、「健康自己manage啦,要訓就要訓,要食就要食,捱壞左冇人可憐」。
示意圖片
帖文來源:連登討論區