Skip to Content Facebook Feature Image

霍汶希社交網貼與囡囡合照 網友大讚一樣咁靚女

HotTV

霍汶希社交網貼與囡囡合照  網友大讚一樣咁靚女
HotTV

HotTV

霍汶希社交網貼與囡囡合照 網友大讚一樣咁靚女

2021年05月03日 17:50 最後更新:18:32

Mani相當愛鍚囡囡。

網上圖片

網上圖片

英皇娛樂藝人管理部總監及唱片部總監霍汶希(Mani)經常於內地工作,留港時間相當短,所以每次都會相當珍惜在香港的時間,皆因她可以與十歲囡囡Honey相聚。

網上圖片

網上圖片

昨天(2日)Mani於香港完成隔離後,終於可以與囡囡一齊,她於社交網貼出兩張與囡囡的合照,留言表示:「於返嚟見到我honey!當然要撐吓枱腳!真係好浪漫!」她更hashtag:「#媽媽愛你」、「#大個女啦」、「#唔使媽媽揸機識自拍啦!」

網上圖片

網上圖片

從相中雖然只見到Honey的半邊面,不過Honey現在長得婷婷玉立、眼大大,兼留了一頭長髮,遺傳了媽媽的優良基因。一眾網友留言大讚:「好Sweet啊」、「Honey好可愛」、「母女一樣咁靚女!」

網上圖片

網上圖片

往下看更多文章

霍汶希首位麥當勞講talk自言「唔安分守己」 直指「教女係最!難!」

2024年03月15日 20:00 最後更新:20:08

Mani自言以前教藝人,藝人的母親十分感謝她,因為藝人都聽她的說話而不聽他們母親的說話。

日前「三八婦女節」,英皇娛樂集團營運總裁霍汶希(Mani)受麥當勞邀請,到其全新總部演講,分享作為女性成功之道的自身經歷。Mani更是首位被邀請到麥當勞公司的講者,演講前,場地已一早坐滿約二百多名員工,認真厲害。

英皇娛樂集團營運總裁霍汶希(Mani)成為首位被邀請到麥當勞公司的講者。

英皇娛樂集團營運總裁霍汶希(Mani)成為首位被邀請到麥當勞公司的講者。

Mani雖然外表剛強,不過在演講期間發揮其幽默感,頓時帶動全場氣氛,不時令員工捧腹大笑,反應十分熾熱。不少人的第一份暑期工都是從麥當勞開始,Mani便從她第一份暑期工說起,「我第一份暑期工係做連卡佛。可能當時我係最細,俾人恰就梗㗎啦,叫我攞貨就攞貨,我要徒手爬上去三層高嘅貨架。啲人永遠都係見到我嘅pat pat多,因為我永遠都係推緊貨。」雖然如此,但當時Mani心中已下定決心有一番作為,「我好明確同自己講:『我唔理!雖然我今日係咁,但我希望喺呢份工裏面我有好表現,可以表現到俾我嘅manager睇!啱啱入行雖然係做緊苦力,但我走嘅時候或者轉行,我希望做到嗰行最優秀嗰個人、或者嗰班人!』呢個係我對自己嘅要求。真係唔係講笑,我走嗰年,我做咗一年咋嘛,我係全個floor嘅第三位,但我賣嘅係junior fashion、好平嘅嘢,我好開心。」而當中的銷售技巧,引來全場大笑,「總之任何人埋嚟,都用盡唇舌,好肥都話好瘦、真係好有氣質,嗰啲呢,就算買個漢堡,人哋唔食牛肉都話買個嚟睇吓啦。」

Mani在活動上分享作為女性成功之道的自身經歷。

Mani在活動上分享作為女性成功之道的自身經歷。

Mani自言「唔安分守己」,她以茶水部作比喻,「就算我係做茶水部,我都想管埋廁所部門啦,係咪都管多幾個部門吖嘛,可能有朝一日可以管埋廚房,總廚都做埋,我係用呢個理念。當你個版圖擴大,你就會自然一級一級咁上。」於是她三十九歲那年,決定跳出舒適圈,主動申請到內地工作,那年正是她經理人生涯的巔峰時間,旗下藝人獲得最多獎、工作量最多的時期。移居北京第一個星期,很開心,但一個月後便抑鬱起上來,「好快就冬天,好凍,嗰陣時北京冇而家咁多嘢食,全部都好油好辣,我肚痾咗一個月。」又因為自己的普通話是「有限公司」,初期發生不少尷尬場面,「有一次食飯,席上全部都係最大嘅4A公司、Magazine入面最大嘅editor。我對面嗰個係一間4A公司嘅老闆,佢着住一件藍色衫,我又着住藍色衫,冇嘢講起上嚟梗係講自己識講嗰啲國語啦,我就話:『你是不是喜歡男生(藍色)的?』佢擘大咗個口,『是的。』嗰個係男人嚟嘅,原來佢真係鍾意男仔嘅,但佢未出櫃,我真係好尷尬!佢答完之後,我仲要:『你喜歡男生(藍色)的?我也喜歡男生(藍色)的!哈哈。』其實我係講你鍾意藍色我都鍾意藍色呀。但講咗出嚟就變成你鍾意男人呀?我都鍾意男人呀!嘩!真係瘀到呢!我就經歷咗年幾咁嘅生活,唔要面,真係乜都唔要面㗎啦去到。」她認為去到一個新地方除了要適應當環境、融入當地文化,更要學習,「我真係而家日日都不斷咁學緊新嘢,好多嘢學!」

Mani向來是公認的最美「金牌經理人」。

Mani向來是公認的最美「金牌經理人」。

在跟員工的互動環節中,有員工問到如何handle或帶領「Gen Z」時,Mani便以教女作比喻,她坦言「教女係最!難!」她謂以前教藝人,藝人的母親十分感謝她,因為藝人都聽她的說話而不聽他們母親的說話,「呢個年代要認同佢哋之餘,要用啟發嘅方法,我唔會同佢哋講應該做啲乜,我會俾佢哋幾個唔同嘅選擇,但我心裏面當然有一個覺得係最好㗎啦。好似我個女咁,佢唔肯彈鋼琴,佢話:『我唔彈啦。』我話:『小朋友一定要學一個樂器㗎喎,你自己揀啦。』佢話打鼓,打鼓喎,我真係入精神病院。我話:『打鼓都唔錯,但係表姐又拉二胡喎,其實二胡都唔錯、古箏都好嘅,但我覺得拉二胡好適合你,你可以同表姐交流吓。」引導佢,等佢講咗出嚟先,最後佢話:『又係喎,咁二胡啦。』我話:『咁你揀㗎喎,以後你要俾心機。』咁佢就拉咗八年啦。路係佢自己揀,你不能揀條路俾佢行,你揀條路俾佢行,佢一定唔行!引導,同埋俾幾樣嘢佢揀,揀完之後,你意接受但一切照舊嗰啲呢,哈哈,用盡自己方法引導番佢揀你自己想揀嘅嘢。」全場頓時掌聲四起,演講亦於一片歡樂的氣氛中結束。

Mani演講前,場地已一早坐滿約二百多名員工,認真厲害!

Mani演講前,場地已一早坐滿約二百多名員工,認真厲害!

你 或 有 興 趣 的 文 章