林作被Cut卡冇人養 裕美月畀五位數零用錢唔怕被家暴

裕美指林作有幫她的珠寶網店做簡單法律諮詢，當投資囉！

裕美昨晚（3日）參與網上音樂會，她透露不會唱經典洗腦歌《搭錯車》：「有一年未表演過唱歌，不過今晚（昨晚）只會唱《雪映移城》。」講到男友林作的歌聲，她即笑道：「佢五音不全，歌聲又似細路！我成日嫌佢乸型唔夠Man，不過勝在有才華，同埋有安全感。」

裕美參與網上音樂會，但沒有唱經典歌《搭錯車》。

林作日前打首場業餘拳賽，預備9月的「林鍾一戰」，最後以一分之差輸給19歲拳手黃明隽。裕美搞笑表示：「佢頸部同手臂拉傷，但唔會肉痛，因為我自己都想打佢！」她亦不怕林作會拳王上身家暴自己，「佢試吓打我呀！我實打死佢！林作都話唔敢撩交打，因為我養緊佢呀！」

林作及鍾培生早前宣布，二人的拳賽暫定在9月舉行。

林作（紅衣者）日前打首場業餘拳賽，以一分之差落敗。

裕美大爆目前收入比林作高幾倍：「拍拖之後林作媽咪Cut咗佢啲信用卡，佢冇人養，通常出街都係我畀錢。有時係佢畀，不過佢會問我拎返錢，好孤寒㗎！（每月畀幾多零用錢林作？）都有5位數字！不過佢有幫我間珠寶網店做簡單法律諮詢，當投資囉，或者將來喺佢身上掠一筆呢，哈哈！」她又笑指林作的性格是遺傳自林媽媽：「佢媽咪會用幾百萬買名牌手袋，但搭的士找少兩蚊都要攞返，可能啲錢都係積少成多！」

林作及林媽媽。

裕美和林作依然愛得高調。

林作又追擊舊愛麥明詩？

「十優港姐」麥明詩（Louisa）與盛勁為（Keith）早前連辦幾場「勁甜麥」婚宴，與一大班親朋好友分享喜悅，連麥明詩前男友林作的媽媽王莉妮亦有到賀，而林作則在前度貼出婚紗照後，即公開與裕美的婚紗照，疑似追擊舊愛。昨日（4月1日）愚人節，林作再貼出婚紗照，並高調宣布「我地決定要搞婚禮了！」更表示要在18區都舉辦婚宴，引起網民熱議。

麥明詩與盛勁為早前連辦幾場「勁甜麥」婚宴，麥明詩前男友林作的媽媽王莉妮都有到賀。

王莉妮還有在IG分享與麥明詩的合照。

林作則在麥明詩貼出婚紗照後，即公開與裕美的婚紗照，疑似追擊舊愛。

林作則在麥明詩貼出婚紗照後，即公開與裕美的婚紗照，疑似追擊舊愛。

林作於幾日前便在IG分享與裕美拍攝婚紗照的花絮，並留言：「倒數」，昨日再在IG公開兩張婚紗照，留言道：「本人及和田裕美欣然宣佈：我地決定要搞婚禮了！這次，我們參照目前的潮流，決定將會在今年內全港18區每區每個禮拜舉行一次婚禮，邀請在當區居住或者工作的親朋好友，及任何想課金參與盛宴的網友們，共同見證盛事。每場婚禮，都會邀請李龍基大哥擔任演唱嘉賓，融合他近期的酒樓演唱會風格，務求做到商業價值最大化。本人希望，可以做到全年霸佔網絡公共資源，煩死網民們，每場婚宴都有新的大龍鳳角度，務求長做長有。謝謝大家的祝福！」

林作在愚人節再貼出婚紗照。

高調宣布「我地決定要搞婚禮了！」更表示要在18區都舉辦婚宴。

由於林作出PO的日子是愚人節，而且他在文中只提及「搞婚禮」，而不是「結婚」，所以大部分網民都覺得他是講笑，「希望你唔好用1/4係愚人節呢啲咁X嘅藉口又話唔搞」、「決定搞婚禮，但唔簽紙注注（註）冊？」、「四月一號結婚 ?_? 唔知信唔信你好」、「搞婚禮only，唔係結婚」、「咁大個人仲4月1號講笑」、「又不是真的結婚！影嚟做乜？」更有人指林作因為麥明詩結婚而受到刺激，「睇嚟mmc結婚真係刺激到你、人哋搞婚禮搞到咁高興你又要喺呢個時候抽水去搞婚禮，難得你阿媽開咗綠燈就快啲結，你阿媽叫你快啲生個孫比佢玩啊。anyway 祝你早生貴子同美美白頭到老。」

當事人之一的裕美未有出PO或轉發林作的帖文。

林作間中就在IG分享婚紗照。

林作間中就在IG分享婚紗照。

林作間中就在IG分享婚紗照。