父要求「買個Staycation」作母親節禮物 孝順仔猶豫應否解釋

母親節將至，不少港爸及孝順仔女相信都正在準備禮物。有港男早前就分享了一件趣事，指父親不太熟悉流行事物，但近日常聽到疫情下非常流行的「Staycation」（宅度假），遂要求他「買個返屋企」給母親作母親節禮物。雖然父親搞錯了「Staycation」的意思，但樓主竟然相當猶豫應否將真相告訴他！

staycation Unsplash示意圖

該名男網民在「香港討論區」發文，指上咗年紀的父親對新潮事物不太熟悉，更不用提英文。臨近母親節，樓主突然接到父親的電話，問他前陣子常聽到的「Staycation」是否很受歡迎，樓主就解釋「疫情冇得出國去旅行，去新加坡又冇興趣，啲人咪洗多啲錢囉」。

樓主父親誤會了Staycation的意思，竟然要求樓主「買個Staycation返屋企」畀媽媽玩下。網上圖片

怎料樓主還未說完，父親就樓主「睇下邊度買Staycation平，最緊要抵」，又指疫情持續了許久，媽媽留在家中感到沉悶，遂希望樓主「買個Staycation返屋企畀佢玩下」，更強調「之後畀返錢」。

網上圖片

樓主得知父親誤會了「Staycation」的意思，感到又好笑又無奈，心想「邊度可以買『個』Staycation？」不過，雖然樓主很想解釋及糾正父親，但突然想起對方曾說過：「又唔係去旅行無啦啦喺香港租酒店做乜？爆房呀？租到半島又係時鐘酒店」的話，不禁感到尷尬，「我講唔講好？見佢又好有阿媽心，又怕咁樣打擊到佢」。

網上圖片

帖文一出，立即惹笑不少網民，「staycation =  playstation」、「可能以為staycation = 玩動森」，遂建議樓主解釋清楚，「照直講，有乜唔講得，話唔定你阿爸就係想試下新嘢」。另外亦有網民大讚樓主父親好有心，仍會想花心思為老婆準備禮物，「其實幾sweet」、「佢老豆好有心思，想用年輕人嘅方式同阿媽慶祝」、「你爸爸好好，我爸爸咁多年都只係『食餐飯』」。

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」