Anson Lo自爆開騷前喉嚨不適　杜琪峯：叫啲兄弟頂一頂囉

要好好休息啦！

導演杜琪峯（杜Sir）今日偕MIRROR成員盧瀚霆（Anson Lo）和鄭欣宜（Joyce）出席虛擬銀行廣告發佈會，首拍廣告的杜Sir在台上自認是「新仔」，大讚Anson Lo及Joyce比他叻及醒目！杜Sir笑言做演員較舒服：「入行40多年來未試過在片場咁開心、咁冇負擔同咁享受，如果有人請會繼續做！」

Anson Lo表示目前情況OK，近日都盡量唔同人講嘢，盼大家唔會以為他寸！

杜Sir笑言MIRROR有十幾人，所以唱得唔好都冇人知。

（左起）Anson Lo、杜Sir和Joyce出席虛擬銀行廣告發佈會。

面對大導演，Anson Lo直言超級緊張，皆因杜Sir氣場勁！杜Sir明言若有適合劇本會找Anson Lo及Joyce拍劇，亦承認會與ViuTV合作劇集，又語重心長鼓勵年輕人不要受目前問題所困，要放眼未來！

首拍廣告的杜Sir笑言未試過在片場咁開心、冇負擔同咁享受。

Anson Lo直言同杜Sir合作超級緊張。

Anson Lo今日凌晨於IG自爆身體不適。

記者笑問杜Sir會否欣賞後日舉行的MIRROR演唱會？他說：「可能會去『裝』吓！但睇晒全場就未必有耐性，睇吓『裝』到幾耐囉！哈哈！」Anson Lo即說：「杜Sir嚟『裝』吓，我哋都好開心㗎喇！」提到今日凌晨於IG自爆身體不適，醫生更建議兩周內唔好講嘢，將帶病開騷的Anson Lo說：「目前情況OK，今日會踩台，而家盡量就住唔同人講嘢，希望大家唔會以為我寸啦！」杜Sir聞言打趣道：「你哋有十幾個，唱得唔好都冇人知！你唔得咪叫啲兄弟頂一頂囉，唔係要咁多兄弟嚟做乜呀？哈哈！」

Anson Lo出席完活動就專心為演唱會作準備。

Anson Lo將帶病開騷，杜Sir就笑指你唔得就叫兄弟頂一頂，唔係要咁多兄弟嚟做乜？

MIRROR後日舉行演唱會。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。