*

喬寶寶又返香港搵錢 家人打晒疫苗感放心

喬寶寶現時於蘇格蘭開餐館。

印度裔香港人喬寶寶上月23日三代同堂,好開心咁慶祝51歲生日。原來喺蘇格蘭小住咗大半年嘅寶寶又「身痕」,日前悄悄返港,待完成21日隔離期就開工。寶寶說:「我全家都打咗疫苗,見細仔同打咗針嘅老媽子都冇乜副作用,我先放心離開佢哋一陣,返嚟搵吓食,趁可以郁動到,都唔想提早十年退休。」

喬寶寶趁仲有氣力,又返咗香港準備開工喇,𠵱家喺酒店隔離中。

兒子及新抱話寶寶太肥,今年生日送咗部樓梯機畀佢減肥。

身處香港一間酒店隔離中嘅喬寶寶,好快又同香港觀眾見面。他表示,而家英國疫情算係受控,50歲以上嘅中老年人,同埋長期病患亦優先處理晒,而家去到40歲群組:「所以我哋一家人都打晒針,包括行動不便嘅細仔,而大仔係照顧者都係優先類別,不過,喺今年一月未接種前,住喺里斯達城嘅家姐、姐夫、外甥兩公婆及外甥子女,全家都中咗招,姐夫病足10日,辛苦到連嘢都講唔到。」

- 閱讀更多 -

Tags:

往下看更多文章