*

吳業坤隔離完被召回公司照肺 同193搭晒膊頭合照好老友

佢仲話公司好大方唔介意。

吳業坤早前於日本完成工作假期回港,事隔半年再次亮相TVB節目《勁歌金曲》。坤哥說:「其實隔離完都有返嚟見高層,照吓肺,問吓做乜咁耐唔返嚟。都好好,因為我行咗東海道,話畀兩集我介紹吓個地方。(咁錫你?)係呀,好好彩,成日都話走咗無人理你,好彩都返到嚟,大家仲記得我。」

隔離後被召返公司照肺 吳業坤跟193合作唔覺有矛盾

坤哥謂在日本擴闊咗生活圈子,之後通關又可以再見面。

坤哥日前跟193合照,正值電視大戰,193又言行出位,可有被公司訓話?他說:「公司好大方,兩年前(演唱會)有邀請MIRROR做嘉賓,樂小姐(樂易玲)都有嚟睇,大家都好開心,唔覺得會有呢啲矛盾出現。大家有言論自由,大家係朋友。想玩一啲想玩嘅嘢。點解會一齊出現呢,因為我飛之前有講過一齊做Cover,開劇前有時間,就見過面傾吓,無乜特別。」問到公司反對合作可會取消?他說:「如果有適當理由,如果廣告品牌上撞咗,如果合約上有問題,當然唔會做啦!但依家講緊網上嘅合作,因為都同好多唔同歌手合作,所以都無考慮太多唔同因數。」

- 閱讀更多 -

Tags:

往下看更多文章