粉絲熱情不退MIRROR再上台encore 花姐認囝囝狀態欠佳只給60分

之後會更好！

MIRROR在粉絲落力叫encore下再次上台，為粉絲帶來《kisskisskiss》、《Sugar Baby》歌等，令全場氣氛再次升高。

MIRROR在粉絲落力叫encore下再次上台。

本網記者攝

鬼馬的Edan跟Stanley大玩打pet pet。

本網記者攝

姜濤拖住「大表哥」Stanley好有愛。

聲帶腫晒的Edan和Anson Lo帶病演出。

Edan和Anson Lo拍完《大叔的愛》好似咀上癮。

接着，隊長Lokman表示12人能站上台不是容易的事，能夠擁有台下的觀眾也不容易，指他們經歷太多，很多事難以濃縮地說出來，但最重要是捉緊信念，「你肯相信件事一定得，最後就一定會得，大家一定要捉緊住。」最後，12子以《One And All》為演唱會作結。

最後以《One And All》為演唱會作結。

12子手拖手齊齊謝幕。

MIRROR演唱會圓滿結束，粉絲好激動。

經理人花姐（黃慧君）在台下看足全場，她在完騷後接受訪問時表示，MIRROR正式演出時的狀態欠佳，反而不及前一日總綵排，揚言對他們的演出給60分，「我好嚴苛，今晚（昨晚）感覺得出他們有點累，未到最好狀態，可能未習慣，我都擔心他們的體力，前幾日才帶Edan和Anson Lo看醫生，他們聲帶腫晒，醫生都叫他們不要講話，叫他們食藥和不停飲水。」

花姐認為MIRROR未在狀態，只給他們演出60分。

問到要不要打開聲針，花姐表示不用，又說知道Anson Lo壓力很大，唱歌時有些音都去不到，至於會否調rundown遷就？她指已把他們拆開表演，看完第二晚的情況再決定，演唱會全晚唱多過講，花姐坦言是給機會曝光率較少的成員表演，好似是安排Alton在尾段表演talk show，希望觀眾看到他的另一面。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。