臨近母親節，相信不少人都購買禮物給母親，而有些人更會送禮物給未來外母或奶奶。一名男網民早前大呻，指女友列出一張禮物清單，要求他從中挑選一件家電贈送給未來外母。男事主大感不忿，直言「我自己媽媽都未敢咁過份，佢憑乜？」。
港男直斥做法「痴線」，明言不會送禮物。資料圖片
事主周二（4日）於香港討論區以「女朋友整咗個 LIST，叫我母親節揀一樣送俾佢媽媽」為題發文，指母親節當日將要到女朋友家中吃飯，而女友事前將一張禮物清單傳送給事主觀看，事主起初沒有理會，但女友竟不斷追問他有沒有觀看清單。
設計圖片
原來女友是希望事主從清單中挑選一件禮物給她的母親，「我睇一睇，都係一啲家庭小電器，例如風筒、吸塵器、氣炸鍋之類」，女友強調指「仲話啲嘢都唔難買，是但去一間電器舖都有，不過要買返佢指定嗰啲，唔好買同類但唔同牌子嘅嘢，因為佢媽媽唔鍾意」。
港男稱女友列禮物清單，要求他送禮物給她的媽媽。資料圖片
事主聽後大感不滿，直言做法過份，又堅決表明不會送禮物，「我自己媽媽都未敢咁過份，佢憑乜？如果佢媽媽要買就自己嚟同我講呀嘛！」。
資料圖片
帖文引起網民熱議，不少網民都認同事主的做法，「當你提款機？」，亦有網民認為母親節買禮物送給未來外母不算過份。
資料來源：香港討論區
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
