肥媽(Maria Cordero)於母親節出席活動,表示回家後與家人玩大富翁,晚上一起吃飯,由於不少子孫在外地,只有八個人一起吃海鮮餐慶祝。
肥媽下月還會進軍內地網絡平台教煮餸,直播廣告排住隊嚟,收人更可觀。
對於參與TVB節目《日日媽媽聲》獲得子孫越洋祝賀母親節,其中一名兒子驚喜現,並叮囑她計劃退休。肥媽說:「日日叫人退休,退乜鬼啫!我依家都屬於半退休,畀返啲自由我,我響屋企煮,擺上網都唔得!」
肥媽在家教煮餸,化完妝不用搭車,著住睡褲拖鞋就可上鏡,輕輕鬆鬆每月都賺6位數。
對於TVB進行改革,是否將飲食節目轉為社交平台在進行?肥媽謂以往合作一年一個特輯,原本3、4月開拍,礙於疫情肆虐,若太多人參與拍攝太危險。本身在網上頻道教煮餸的肥媽,笑言已習慣在家中拍攝,反而覺得更輕鬆。
資料圖片
資料圖片
她說:「依家唔使搭車,化妝後行去煮就得!著條褲都可以著睡褲、拖鞋幾舒服,每個月只做4日,都已經有6位數(以十萬計)收入,最高收試過一個月有40萬,下月會在內地網絡平台教煮餸,網上直播節目已有3至4個廣告收入,排隊都有十幾個。」
肥媽點醒劉可唔好畀好勝影響到自己!
歌唱真人騷《香港李衆勝堂保濟丸呈獻:中年好聲音2》,本周日晚(28日)9點翡翠台播出,節目由車婉婉擔任主持。是集是第八部曲第二回《中一生助陣人生之歌!爭入十四強!》下半場,繼續有肥媽、伍仲衡、張佳添、周國豐和陳慧嫻擔任評審。出場名單如下:龍婷+陳燕娜《漫步人生路》、周吉佩+古淖文《友共情》、李佳+劉可《我是一隻小小鳥》、魏嘉信+黃劍文《Shall We Talk》、顏志恒+梁浩賢《最佳損友》、林鉫徫+劉威煌《今日》和羅啟豪+譚輝智《今天等我來》。
大魔王劉可返嚟喇!
李佳再嚟神助攻。
兩人好合拍。
李佳笑言劉可都幾難Connect。
肥媽點醒劉可唔好畀好勝影響到自己。
李佳評劉可勁搞笑:真係唔知點同佢Connect
近幾集狀態低迷的劉可是集終於回勇!今集劉可孖住「和音之鬼」李佳合唱《我是一隻小小鳥》,在李佳神助攻下,劉可重拾大魔王本色,整個演出充滿激情。兩人演唱完畢後,婉婉笑問李佳:「呢個仔難唔難湊?」李佳坦言:「其實真係唔知點同佢Connect,佢有自己嘅嘢,但亦都係有聽人講嘢,同埋真係有做到,你(劉可)要信自己,努力做最好嘅自己。」對於兩人演出,周國豐說:「《中年》選咗李佳出嚟,真係我哋嘅驕傲,多謝李佳將久違嘅劉可帶返番嚟!」肥媽語重心長提點劉可:「你返嚟喇,你之前走咗好遠喎,上個禮拜由中環走到去筲箕灣,做藝人係要有態度,但有時太過份嘅態度會令人唔舒服,唔好畀好勝嘥咗自己機會。」
吉吉(圖右)同古淖文充滿兄弟情。
全場都好興奮。
陳慧嫻笑言再次愛上古淖文。
合唱《友共情》的古淖文、周吉佩同樣值得關注,兩位大男孩在台上一唱一和默契十足,感染全場觀眾齊齊拍手,婉婉笑言:「感覺好年青,好似喺球場交緊波咁!」身為「古粉」的陳慧嫻再度化身小迷妹:「今日我又一次愛上你喇古淖文,你已經搣甩咗好多江湖味!」肥媽則說:「你同吉吉好似兄弟,感覺好正,感染到全場觀眾。」黃劍文+魏嘉信同樣合拍,由於二人都是斯文Style,唱畢後獲婉婉笑言唱出了《Shall We Talk》禮貌版本。陳慧嫻說:「要讚劍文,你係屬於好有內涵,把聲好耐聽,每一次你都有新嘢畀到我,希望你之後有更多嘅你畀我睇到!」肥媽亦說:「劍文一路進步緊,呢首《Shall We Talk》唱晒啲心聲出嚟,聽得好舒服。」
黃劍文(圖左)、魏嘉信同樣斯斯文文,被取笑合唱禮貌版《Shall We Talk》。
陳燕娜(圖左)、龍婷
梁浩賢(左)、顏志恒
劉威煌(右)、林鉫徫
譚輝智(右)、羅啟豪