用真相玩交友App 方力申五年冇拍拖想試一見鍾情

小方笑言自己最耀眼嘅相就係Icon相。

2014年獲選十大傑青的方力申（小方）出席「2021十大傑出青年選舉啟動禮」宣傳活動。小方稱，去年鼓勵歐鎧淳參選傑青，最後對方獲霍啟剛提名並當選。他又自爆早前被咖啡店員要求當提名人，推薦對方參選港姐，不過最後推卻了。

東星圖片

小方於無綫節目《諸朋好友2》中自揭有玩交友App，他笑稱節目一出街他便收到超過十人的交友邀請：「我玩了近4個月，戶口是用真相，有人一開始便花幾天時間追問我是否方力申真身。問到玩交友App是否想從中搵到另一半？小方坦言自己5年冇拍拖，目的是為滿足自己雙魚座浪漫的心，睇吓能否在人海中眾裏尋她，「突然間見到一個女仔，有種你就係我老婆，想試一見鍾情嘅感覺！」

方力申玩交友App四個月仲未遇到心儀對象。

問到有冇發生過，小方無奈答冇。再問緋聞女友陳瀅有否加入交友App？小方稱對方不加入都可傾偈。至於有否感覺到找他傾偈的人有意圖嗎？小方亦稱冇。笑問有冇影沖涼相或片傳畀其他人睇？小方笑言冇影過，「我最耀眼嘅相就係Icon相，沖涼冇化妝點會吸引呢！」

小方傳出力追陳瀅中。

此外，谷德昭早前替他澄清2004年奧運並非跟葉璇鬧交互寸，小方也問谷德昭為何現在才講出來，對方笑指一直有講，小方自嘲：「這事件是我演藝事業中的代表作。」

小方同葉璇於04年奧運時在鏡頭前互串。

日前，谷德昭在網上節目替小方澄清17年前小方同葉璇冇鬧交。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。