不少家長都深信「贏在起跑線」這句話，但過早催逼又會否造成反效果呢？近日有網民分享指，一名親戚剛懷孕3個多月，就已經開始為孩子搜集一連串的「Playgroup」課程資料，令網民大嘆又一名怪獸家長。
網民認為孩子無須過早報讀課程。資料圖片
該名網民昨日於「香港討論區」發文，指有一名遠房親戚懷孕3個多月，因為她初為人母，所以對孩子的事情十分著緊，但她緊張的程度亦令事主感到吃驚，「早幾日陪佢去某大型教育機構問野，本身仲以為佢想學英文，點知佢係問playgroup課程」。
設計圖片
事主表示，中心的職員聽到後亦不知所措，解釋指暫時無法安排課程給剛出生的孩子，「我個親戚仲好堅持問有無啲咩課程一出世之後就可以上，個職員都好無奈話要等個小朋友起碼一歳先」，在旁的事主對此亦感到尷尬。
港媽打算於BB一出生便修讀課程。示意圖（網圖）
事主又指，親戚被拒絕後仍然死心不息，到處尋找課程供未出生的孩子修讀，事主不禁質疑「真係有需要未出世就報名咩？」。
設計圖片
帖文引起網民的熱議，不少網民都慨嘆又一名怪獸家長的誕生，「叫佢安心養好胎，多啲同個B傾下偈。小朋友一兩歲學嘢都係嘥錢同嘥氣」、「未出世要報定？會否太誇張」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
