鄧麗欣興奮捧場撐MIRROR Stanley Edan誓於尾場爆盡

Stephy同MIRROR向來老友。

今晚是MIRROR演唱會尾場，各成員今日繼續在社交網貼相留言。姜濤上載《Warrior》演出片段並留言：「今晚最後一場，來！」；Stanley（邱士縉）就大晒爆肌照，「Last Day！苦練，節食三星期，就是為了這30秒！把最後的力量都爆盡吧！大家都要給我們200%的力量啊！」。

Stanley為晒六嚿腹肌，節食三星期加狂操練。

Edan貼出自彈自唱綵排照，表示要放盡。

Edan（呂爵安）貼出自彈自唱Solo曲《E先生連環不幸事件》的綵排照：「Day6。Last Day。Enjoy #每天固定SoundCheck #未相信已經嚟到最後一場 #今日放盡」。MIRROR經理人花姐（黃慧君）也有出Post留言：「今日last show，好好享受舞台」，而MIRROR官方IG也有上載眾人大合照：「今晚尾場，大家加油～Good show～」

MIRROR演唱會今晚尾場，好唔捨得呀！

姜濤上載《Warrior》演出片段。

而鄧麗欣（Stephy）因拍攝ViuTV劇集《男排女將》與MIRROR成員成為好友，她昨晚到場欣賞演唱會，之後在社交網發佈後台合照。Stephy留言：「完show後很多人說我眼睛紅紅的，除了可能現場氣氛震爆左（咗）d（啲）微絲血管之外，其實我真的是被你們感動了～一場精彩又感人的演唱會，精彩的地方應該不用說，至於感人是看見你們的努力沒有白費，是看見你們每一位都擁有屬於自己的光芒，是看見你們互相之間的真實情感。感謝帶給我們一場這麼精彩的表演！明天尾場～請繼續好好享受這個舞台，繼續好好享受屬於你們的吶喊與掌聲！加油」

Stephy是MIRROR演唱會座上客。

Stephy化身鏡粉好投入。

前面以千字文派洋蔥，Stephy就在Hashtag玩搞笑，「#真係好好睇 #你地好叻叻 #現場感受到的是青春 #除衫果（嗰）part好多人叫唔好著返衫 #而家d（啲）後生女好厲害 #唱神隊友時突然感動 #力圖去左（咗）開演唱會 #家瑜失業」劇中一眾「力圖」隊員及MIRROR成員都紛紛多謝「家瑜」（Stephy角色名），網民更留言指想睇Stephy一齊上台演唱劇集歌曲《神隊友》。

花姐希望12位成員享受舞台。

MIRROR官方IG也上載後台大合照。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。