見馬騮與幼貓共處市民出手「救貓」 網民批干預大自然

應否帶走幼貓引發網民爭議。

人類應否介入大自然生態，向來備受爭議。有網民在facebook群組「天下貓貓一樣貓」上載照片，引述朋友稱在一處山坡看到一隻馬騮懷疑捉走一隻幼貓，呼籲「快啲幫手發出去救貓B，剛剛又拖咗入山」。網民爭拗之際，結果有人出手救走小貓。

另一位網民今日在群組發文，說「貓B剛從馬騮身上已救起 ，大概2-3星期大，士多老闆指 原來奶貓已經3日冇食嘢，奶貓被救起時虛弱，唔係好郁，而且出現低溫狀態」幼貓已經交義工跟進照顧。小貓經檢查並無大礙。

有市民把幼貓從馬騮身邊帶走。天下貓貓一樣貓群組網民Sugar Tong圖片

有市民把幼貓從馬騮身邊帶走。天下貓貓一樣貓群組網民Sugar Tong圖片

網民透露，純粹「同馬騮交流左10分鐘，同時給予 海量嘅花生同香蕉 ，係佢努力食緊花生嘅時候，我地再一手係地下捉起貓B，不過要好多謝在場嘅3位行山姨姨 ，喺我地帶B逃離現場嘅時候繼續幫我哋餵花生」

有市民發現一隻馬騮與一隻貓共處，有人於是把幼貓從馬騮身邊帶走。網民Sugar Tong圖片

有市民把幼貓從馬騮身邊帶走。天下貓貓一樣貓群組網民Sugar Tong圖片

應否帶走幼貓引發網民爭議，有網民擔心馬騮會對幼貓施襲，又擔心馬騮不懂得照顧小貓，應該要出手，「馬騮其實無咁嘅能力去真正養一隻貓」。

有市民把幼貓從馬騮身邊帶走。天下貓貓一樣貓群組網民Sugar Tong圖片

不過有網民反駁，馬騮與幼貓都可以和平共處，馬騮可能把幼貓視如己出去照顧。「電視已介紹過，只係死咗子女嘅馬騮當貓BB係自己BB，唔係傷害佢哋，大自然界常常有這種事」。

有市民發現一隻馬騮與一隻貓共處。網民Joyce Chu圖片

不過不少網民認為是管得太多，應該各安天命、順其自然。有人指「點解馬騮捉貓就好可憐要救，但貓捉雀仔就無人救，雀仔唔可憐咩，呢度太多人選擇性慈悲」、「自然法則嘅嘢都硬要去阻止，你今日見到馬騮捉貓仔要救，你聽日見到嘢狗捉松鼠又救唔救，係大自然，相互捕捉，捕食很正常，好似獅子老虎又成日捉小動物食，阻止佢去餓死佢哋？所以話人類係最XX的存在，不停去破壞自然的生態鏈」、「人類自大到連動物諗緊咩都知」。

圖片轉載自「天下貓貓一樣貓」

小貓已經交由義工檢查並無大礙。網民Wing Wing Lam圖片

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」