森美撇「爵屎」囡囡睇MIRROR尾場騷 古天樂現身撐場引發起哄

囡囡超鍾意Edan。

人氣男團MIRROR今晚假九展Star Hall舉行《MIRROR “ONE & ALL” LIVE 2021》演唱會尾場，除了方才提及的梁祖堯、鄭欣宜、阮小儀外，仲有一眾ViuTV藝人陳俞希（Hailey）、沈殷怡、強尼和陳安立等，而影帝古天樂（古仔）和森美也成為是夜席上客！

古仔甫現身即引發全場起哄！

森美自言撇「爵屎」囡囡，一個人來看MIRROR演唱會。

古仔甫現身即引發全場起哄，面對「鏡粉（MIRROR粉絲專稱）」索合照，他亦來者不拒，親自操刀跟粉絲影Selfie，非常親民！

古仔（右）和森美也成為MIRROR演唱會尾場的席上客。

一眾ViuTV藝人都有嚟撐場，強尼（右）更吸引眾多粉絲「集郵」。

其後森美到場時，現場粉絲再次起哄，他笑言代表女兒來撐場：「囡囡和小儀品味相似，同是Edan（呂爵安）的粉絲，我想帶囡囡來，但冇票，本來打算自己看半場就換囡囡入場，最終決定自己看足全場。」說到不少爹哋都想Edan做女婿，森美即搞爛Gag笑指Edan要改名「女婿安」。

經理人花姐（黃慧君）

MIRROR成員呂爵安

問到可覺來睇MIRROR是倒戈？為TVB節目擔任主持的他卻不認同，皆因音樂無分界限，森美續道：「今晚我是代表商台。」

MIRROR

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」