事主提醒街坊，買水果要「睇真D」和「小心揀」。
街市不少生果檔都會將水果疊起，一份份擺賣，不少人看見「幾靚」就會買，但原來「眼見未為真」。近日有荃灣街坊到大窩口街市生果檔購買了一份布冧，回家後始發現「中伏」，其中一個布冧已經腐爛，事主質疑店方以「層層疊」式放水果，將腐爛的布冧倒轉疊在最底，令顧客不易察覺，批評做生意手法不當，提醒其他街坊小心。
網上圖片
有街坊分享類似中伏經歷。 「荃灣 大窩口邨 葵涌邨」FB圖
事主於在Facebook群組「荃灣 大窩口邨 葵涌邨」發帖分享經歷，指早前光顧大窩口街市一個生果檔，店員不斷游說「話水果好靚、好甜、好多人買」，事主便付款購入一份「恐龍蛋」布冧。然而，回家後才發現其中一個布冧已經爛掉，底部果皮破裂，果肉變軟明顯腐爛，已無法進食。
從圖片可見，涉事生果檔以層疊式擺放水果，當中「恐龍蛋」布冧每份5個售20元，價錢牌上寫有「免揀」字眼。
有街坊分享類似中伏經歷。 「荃灣 大窩口邨 葵涌邨」FB圖
事主翌日再到涉事生果檔投訴，更向店員展示爛水果的相片，店員看過照片後，問「有幾多個爛？」，然後為事主更換另一個作補償。事主提醒街坊，買水果要「睇真D」和「小心揀」。
貼文一出引起網民熱議，不少人批評檔口做法，亦街坊指曾有過類中伏經歷。一名街坊稱，早前亦曾於同一街市買到爛蜜瓜，水果檔故意用卡紙遮住腐爛部分，買了回家才發現，另有街坊指，日前同樣在大窩口街市生果檔買到「黑心蘋果」。
街坊斥街市生果檔蠱惑， 爛布冧倒轉藏最底。「荃灣 大窩口邨 葵涌邨」FB圖
資料來源：「荃灣 大窩口邨 葵涌邨」FB
